(Japok-e re Hosanna)

Anajwan, ex was wiitz’in, naq naqanima lix k’utunik li Yuwa’b’ej ut li K’ajolb’ej chiru laj Jose Smith, naqeek’a naq us naq taasaho’q qach’ool sa’ komonil rik’in xb’aanunkil li japok-e re Hosanna.

Li loq’laj japok-e a’in kib’aanuman xb’een wan sa’ li k’ojlajik a’in naq ki’osob’tesiman li santil ochoch re Kirtland sa’ 27 re marzo, 1836. Anajwan nab’aanuman rajlal sut naq na’osob’tesiman jun santil ochoch. A’an jun loq’laj loq’onink chiru li Yuwa’b’ej ut li K’ajolb’ej, ut nareetali li k’a’ru ke’reek’a li k’iila tenamit naq ki’ok li Kolonel jo’ Rey sa’ Jerusalen. Naxk’ut ajwi’ xyaalal li k’a’ru kixk’ul li saaj aj Jose sa’ li kutan a’an sa’ li loq’laj k’iche’—naq li Yuwa’b’ej ut li K’ajolb’ej a’aneb’ wiib’eb’, li neke’qaloq’oni ut neke’qanima ru.

Anajwan tink’ut chan ru nab’aanuman li japok-e re Hosanna. Naq ninb’aanu a’in, nintz’aama chiruheb’ li qakomon li neke’puktesink aatin naq te’ril li loq’laj k’anjel a’in rik’in oxloq’ink.

Li junjunq li taab’aanunq re naxchap jun saqi sut chiru xxuk, ut nareek’asi chi kutankil naq yooko chixyeeb’al sa’ junajil, “Hosanna, Hosanna, Hosanna, re li Dios ut li Karneer;” oxib’ sut nayeeman a’in, ut chirix a’an, “Amen, Amen, ut Amen.” Wi maak’a’ aawik’in jun saqi sut, naru taaweek’asi laa wuq’ chi kutankil.

Ex was wiitz’in, anajwan nink’e eeb’oqb’al chi xaqliik ut chi tz’aqonk sa’ li japok-e re Hosanna, ut chirix a’an taab’ichamanq li “B’ich re Hosanna”, ut “Lix Musiq’ li Dios.”¹

Naq tixk’ut laj b’eresinel, b’aanuhomaq usilal, b’ichahomaq “Lix Musiq’ li Dios.”