مانگو، ڈھُونڈو، اور کھٹکھٹاؤ

جب نِجات دہندہ اپنے جی اُٹھنے کے بعد امریکہ گیا، تو اُس نے ایک دعوت کو دہرایا جو وہ گلیل میں اپنے شاگردوں کو دے چُکا تھا۔ اُس نے فرمایا:

”مانگو، تو تُم کو دِیا جائے گا؛ ڈھُونڈو، تو پاؤ گے؛ دروازہ کھٹکھٹاؤ، تو تُمہارے واسطے کھولا جائے گا:

”کیونکہ جو کوئی مانگتا ہے اُسے ملتا ہے؛ جو ڈھونڈتا ہے پاتا ہے؛ اور جو کوئی کٹھکھٹاتا ہے اُس کے لیے دروازہ کھولا جاتا ہے“ (۳ نیفی ۷:۱۴–۸؛ متی ۷: ۷–۸ بھی دیکھئے)۔

ہمارے نبی، صدر رسل ایم نیلسن نے بھی ہمارے زمانہ میں ایسی ہی دعوت دی ہے۔ اُس نے فرمایا: ”یِسُوع مسِیح کے نام پر اپنے اندیشوں، اپنے وسوَسوں، اپنی کمزوریوں—ہاں، اپنی دلی آرزوؤں کے بارے میں دُعا کریں۔ اور پھر غور سے سُنیں! آپ کے ذہن میں جو خیالات آتے ہیں اُنہیں قلم بند کریں۔ اپنے احساسات کو لکھیں اور پھر اُن اقدامات پر عمل پیرا ہوں جنھیں کرنے کے لیے آپ نے تحریک پائی تھی۔ جیسے جیسے آپ اس طریقہ کار کو ہر روز، ہر ماہ، ہر سال دہرائیں گے، تو آپ ’اصولِ مکاشفہ میں ترقی پاتے جائیں گے۔‘“^۲

صدر نیلسن مزید کہتے ہیں ”آنے والے دِنوں میں، رُوحُ القُدس کی ہدایت، راہ نمائی، تسلی، اور مسلسل اثر کے بغیر روحانی طور پر زندہ رہنا ممکن نہ ہو گا“^۳

ہماری رُوحانی بقا کے لیے مکاشفہ کیوں ضروری ہے؟ کیونکہ دُنیا مبہم اور پُرشور، دھوکہ دہی اور خلفشار سے معمور ہو سکتی ہے۔ ہمارے آسمانی باپ کے ساتھ گفتگو کرنا سچ کیا ہے اور جھوٹ کیا ہے ہمیں اِس میں تمیز کرنے کے قابل بناتی ہے، ہمارے لیے خُداوند کے منصوبہ میں ہم سے متعلق کیا ہے اور کیا نہیں ہے۔ دُنیا نہایت تُرش اور دِل شکستہ کرنے والی بھی ہو سکتی ہے۔ مگر جب ہم اپنے قلوب کو دُعا میں کھولتے ہیں، ہم اُس تسلی کو محسوس کریں گے جو ہمارے آسمانی باپ سے ملتی ہے اور یہ یقین دہانی کہ وہ ہم سے محبت اور ہماری قدر کرتا ہے۔

خُداوند نے فرمایا ہے کہ ”جو کوئی مانگتا ہے پاتا ہے۔“ مانگنا بالکل سادہ دِکھائی دیتا ہے، پھر بھی یہ نہایت قوی ہے کیونکہ یہ ہماری خواہش اور ایمان کو ظاہر کرتا ہے۔ تاہم، خُداوند کی آواز کو جاننا سیکھنے میں صبر اور وقت لگتا ہے۔ ہم اُن خیالات و احساسات پر توجہ دیتے ہیں جو ہمارے اذہان اور قلوب میں آتے ہیں، اور ہم اُنہیں تحریر کر لیتے ہیں، جیسے ہمارے نبی نے ہمیں کرنے کی مشورت دی ہے۔ اپنے تاثرات کو قلمبند کرنا وصول کرنے کا اہم حصہ ہے۔ یہ ہمیں اُس کو یاد کرنے، جائزہ لینے، اور از سر نو محسوس کرنے میں مدد دیتا ہے جو خُداوند ہمیں سیکھا رہا ہے۔

حال ہی میں ایک پیارے نے مجھ سے کہا، ”میں ذاتی مکاشفہ کو سچ مانتا ہوں۔ میں ایمان رکھتا ہوں کہ رُوحُ القُدس مجھے وہ سب باتیں دِکھائے گا جو مجھے کرنی چاہیے۔^۴ یقین کرنا آسان ہو جاتا ہے جب میرا سینہ بِلا تردید ثبوت سے جل اُٹھتا ہے۔⁵ مگر اِسی سطح پر ہمیشہ رُوحُ القُدس مجھ سے کیسے ہمکلام ہو سکتا ہے؟“

اپنے پیاروں اور آپ سب کے لیے، میں یہ کہوں گا کہ میں بھی رُوح کے ان مضبوط تاثرات کو مستقل طور پر محسوس کرنا چاہتا ہوں اور ہمیشہ واضح طور پر اس کی پیروی کرنے کا راستہ دیکھنا چاہتا ہوں۔ مگر میں نہیں پاتا، تاہم، اکثر ہم جو محسوس کر سکتے ہیں خُداوند کی خاموش دھیمی آواز ہے جو ہمارے دِل اور ذہن میں سرگوشی کرتی ہے: ”میں موجود ہوں۔ مَیں آپ سے پیار کرتا ہوں۔ جاری رکھو؛ اپنی بہترین کوشش کرو۔ میں تمھاری حمایت کروں گا۔“ ہمیں ہمیشہ ہر بات جاننے یا دیکھنے کی ضرورت نہیں ہے۔

خاموش، دھیمی آوازاز سر نو تصدیق کرنے، حوصلہ افزائی کرنے، اور تسلی دینے والی ہے—اور بہت دفعہ یہ ہی ہے جس کی ہمیں آج کے دِن کے لیے ضرورت ہے۔ رُوحُ القُدس حقیقت ہے، اور اُس کے تاثرات حقیقی ہیں—بڑے اور چھوٹے سبھی۔

خُدواند وعدہ جاری رکھتے ہیں، ”وہ جو ڈھُونڈتا ہے، پاتا ہے۔“ ڈھونڈنا ذہنی اور روحانی جدو جہد کی دلالت کرتا ہے—غور و خوص کرنا، پرکھنا، کوشش کرنا، اور مطالعہ کرنا۔ ہم ڈھونڈتے ہیں کیونکہ ہم خُداوند کے وعدوں پر بھروسہ کرتے ہیں۔ ”اِس لیے کہ خُداکے پاس آنے والے کو ایمان لانا چاہیے کہ وہ مَوجُود ہے اور اپنے طالبوں کو بدلہ دیتا ہے“ (عبرانیوں ۱۱: ۶)۔ جب ہم ڈھونڈتے ہیں، ہم فروتنی سے تسلیم کر رہے ہوتے ہیں کہ ہمیں اب بھی بہت کچھ سیکھنے کی ضرورت ہے، اور خُداوند ہمیں مزید پانےکے لیے تیار کرتے ہوئے، ہمارے فہم کو وسعت دے گا۔ ”کیونکہ دیکھو! خُداوند یوں فرماتا ہے مَیں بنی آدم کو قطار بہ قطار تعلیم بہ تعلیم، بخشوں گا، تھوڑی یہاں، تھوڑی وہاں سے؛ … کیونکہ جس کے پاس ہے اُسے دیا جائے گا“ (۲ نیفی ۲۸: ۳۰)۔

آخرکار، خُداوند نے فرمایا، ”وہ جو کٹھکھٹاتا ہے اُس کے واسطے کھولا جائے گا۔“ کھٹکھٹانا ایمان میں عمل کرنا ہے۔ جب ہم سرگرمی سے اُس کی پیروی کرتے ہیں، خُداوند ہمارے سامنے راہیں کھول دیتا ہے۔ ایک خوبصورت گیت ہے جو ہمیں سِکھاتا ہے ”جاگو اور عالمِ بالا پر [اپنے] محل کے خواب سے کچھ زیادہ کرو۔ نیکی کرنا خُوشی ہے، حد سے زیادہ خُوشی، محبت اور فرض کی برکت۔“^۶ بارہ رسُولوں کی جماعت کے بزرگ گیرٹ ڈبلیو گانگ نے حال ہی میں وضاحت کی ہے کہ اکثر مکاشفہ تب ملتا ہے جب ہم نیکی کرنے کے عمل میں ہوتے ہیں۔ اُنہوں نے فرمایا: ”جب ہم خدمت کرنے کے لیے اپنے ارد گرد کے لوگوں تک پہنچنے کی کوشش کرتے ہیں، میرا خیال ہے کہ خُداوند ہمیں اُن کے لیے اور پھر ہمارے لیے اپنے پیار کا اضافی حصہ بخشتا ہے۔ میر اخیال ہے ہم اُس کی آواز سُنتے ہیں—ہم اُسے ایک الگ انداز میں محسوس کرتے ہیں—جب ہم اپنے ارد گرد والوں کی مدد کرنے کے لیے دُعا کرتے ہیں کیونکہ یہ ہی وہ دُعائیں ہیں جن کا وہ سب سے زیادہ جواب دینا چاہتا ہے۔“^۷

یہ سادہ تجویز آ، میرے پیچھے ہو لے کے بارے سوچنا میرے لیے شیریں رُوح اور غیر متوقع رُوحانی بصیرت کی برکت لایا۔ جب میں نے ایلما اور عمونیہا میں اُس کی خدمت کے بارے میں پڑھنا جاری رکھا، میں نے دریافت کیا کہ ایلما اِس کی ایک اچھی مثال فراہم کرتا ہے کہ مانگو، ڈھونڈو، اور کھٹکھٹاؤ کا کیا مطلب ہے۔ ہم پڑھتے ہیں کہ ایلما نے رُوح میں بڑی محنت کی اور بڑی مستعدی سے خُدا سے دُعا کی کہ وہ اِس شہر میں رہنے والے لوگوں پر اپنا رُوح اُنڈیلے۔“ تاہم، اُس دُعا کا ویسا جواب نہ مِلا جیسی اُسے اُمید تھی، اور ایلما کو شہر سے نکال دیا گیا۔ ”غم سے بوجھل ہوکر،“ ایلما سب کچھ ترک کرنے کو تھا جب ایک فرشتہ نے یہ پیغام پہنچایا: ”مُبارک ہے تو، ایلما؛ پس اپنا سر اُٹھا اور شادمان ہو کیونکہ تیرے پاس شادمان ہونے کی بڑی وجہ ہے۔“ پھر فرشتہ نے اُسے عمونیہا لوٹ جانے اور پھر سے کوشش کرنے کو کہا، اور ایلما ”جلدی لوٹا۔“^۸

ہم ایلما سے مانگنے، ڈھونڈھنے، اور کھٹکھٹانے کے متعلق کیا سیکھتے ہیں ؟ ہم سیکھتے ہیں کہ دُعا رُوحانی مشقت کا تقاضا کرتی ہے، اور اِس کا نتیجہ ہمیشہ وہ نہیں نکلتا جس کی ہم اُمید رکھتے ہیں۔ مگر جب ہم غم سے بوجھل یا دِل شکستہ محسوس کرتے ہیں، خُداوند ہمیں مختلف انداز میں تسلی اور مضبوطی بخشتا ہے۔ وہ شاید ہمارے سب سوالوں کا جواب نہ دے یا ہمارے سب مسائل حل نہ کرے؛ بلکہ، وہ کوششش جاری رکھنے کی ہماری حوصلہ افزائی کرتا ہے۔ پھر اگر ہم جلدی سے اپنا منصوبہ اُس کے منصوبے سے ہم آہنگ کر لیں، تو وہ ہمارے لیے راہیں کھولے گا، جیسے اُس نے ایلما کے لیے کھولیں۔