Masulaka Me Vakayagataki Keda o Koya

Na Lotu i Jisu Karisito e vakaroti vakalou me raici ira na dravudravua.² E dua vei ira na duru ni cakacaka ni veivakabulai kei na bula vakalou.³ Ka sa yaco kina, ena nodra gauna ni sautu, era sa sega ni vakatalai ira tani sa luvaiwale, se ko ira sa viakana, se ko ira sa viagunu, se ko koya sa tauvimate, se ko ira sa sega ni vakani; ka ra sa sega ni vagolea na lomadra ki na iyau; o koya era sa lomasoli kina vei ira na tamata kecega, vei ira na qase kei ira na gone, vei ira na bobula kei ira na galala, vei ira na tagane kei ira na yalewa, se mai na taudaku ni lotu se loma ni lotu, era sa sega ni yalana na tamata vei ira era gadreva na veivuke.⁴

Na Lotu e vakarautaka e vuqa na mataqali veivuke, oka kina na:

• Na veiqaravi eda vakayacora ena Soqosoqo ni Veivukei, na kuoramu ni matabete, kei na vei kalasi.

• na lolo kei na vakayagataki ni kena cau;

• na iteitei ni welefea kei na vanua ni tawa kakana.

• na vanua era ciqomi kina o ira na toki mai.

• veivuke vei ira na kaivesu.

• Na veivuke ni bula raraba ni Lotu.

• kei na app na JustServe, e vakasotara vata na volodia kei na veiqaravi e rawa ni vakayacora.

Oqo na gaunisala kece, e tuvalaka na matabete, ka vakasotara vata na veivuke lalai kece me vukea na lewe vuqa, e vakalevutaka na ilesilesi yadua eda cakava vaka tisaipeli i Jisu Karisito.

Na parofita e veiliutaki e vuravura taucoko, ka sega walega ena loma ni Lotu. Au rawa ni ripote taka mai na veika au kila deivaki niu sa lako curuma mai ni o ratou na Mataveiliutaki taumada yalataka vakayadua, e ratou vakauqeta na cakacaka oya. Ni tubu tiko na gagadre, na Mataveiliutaki Taumada e vakauqeti keda me vakalevutaki ka vakasakiti na noda veivuke ni bula raraba. Eratou taleitaka koya e levu duadua e muria ka lailai na kena itukutuku.

Wale tikoga oqo, keitou kauta vei ratou e dua na isulu tataqomaki ni valenibula eratou cula na Beehive Clothing me vakayagataki e valenibula ena gauna ni matedewa raraba. Me vaka ni vuniwai ni valenibula o Peresitedi Russell M. Nelson, e taleitaka sara vakalevu. E sega walega ni via raica. E via daramaka saraga—raica na ligana, na kena balavu, kei na kena buki e dakuna. A qai tukuna malua, ena domo luluvu, “Ni o ni sotavi ira na tamata ena nomuni veiqaravi, vakavinavinaka taki ira ena nodra lolo, nodra isolisoli ni lolo, kei na nodra dau veiqaravi ena yaca ni Turaga.”

Ena veidusimaki nei Peresitedi Nelson, au via ripote lesu vei kemuni me baleta na sala Na Lotu i Jisu Karisito ni Yalododonu Edaidai e vakaitavi kina ena gauna ni cagilaba, uneune, nodra vakavaletaki na ise—kei na gauna ni matedewa—vinaka vakalevu na yalovinaka vei ira na Yalododonu Edaidai kei na vuqa na itokani. Dina ni sivia e 1,500 na porokaramu ni Kovidi-19, e dua na cakacaka vakaitamera duadua ena lotu me veivuke ena loma ni 18 na vula, na Lotu e vakaitavi taki koya talega ena 933 ena leqa vakadraki tubukoso, kei na leqa vaka ise ena loma ni 108 na matanitu Na itukutuku vakafika e sega ni tukuna kece na italanoa. Meu wasea e va na ivakaraitaki leleka me talanoataka ka mo tovolea kina vakalailai na veika e sa mai caka.

Veivuke ni KOVIDI mai Sauca Aferika

Yabaki tini-ka-ono o Dieke Mphuti mai Welkom, ena Sauca kei Aferika, a mate na nona itubutubu e vica na yabaki sa oti, ka biu tu mai o koya me qaravi ratou lewe tolu na tacina gone. E dau dredre me kunea na kakana me veirauti, na lailai ni kakana e kauta mai na KOVIDI kei na vakatabui me ra lako e tuba sa qai vakadredretaka sara vakalevu. Vuqa na gauna eratou dau via kana, ratou bula tuga ena yalo loloma ni nodratou neiba.

iVakatakilakila

Dieke Mphuti

Dua na siga levu kataka ena vula o Okosita, 2020, kidacala o Dieke sa dua na tukituki e katuba. E dolava ka raica e rua na tamata sega ni kila—e dua e mata ni Lotu mai na wasewase o Johannesburg ka dua tale e mata mai na matanitu ena Tabana ni Vakatorocake ni Bula Veimaliwai.

O rau na tabana rua oqo e rau cakacakavata me vakarautaki kakana vei ira na vuvale e vakaleqai. Sa duatani na vakacegu e tarai Dieke ni sa raica na levu ni falawa sila kei na so tale na kakana era kania ena veisiga, sa volia yani na tabana ni veivuke ni bula raraba ni Lotu. Oqo na veika ena vukea me ratou na bula kina na nona vuvale ena loma ni vica na macawa me yacova tale na veivuke tarava mai na matanitu.

Na italanoa nei Dieke e dua vei ira na udolu na italanoa e yaco tu e vuravura ena gauna ni matedewa na KOVIDI, vinaka vakalevu ena nomuni solisoli tabu.

Veivuke vei ira mai Afghan e Ramstein

Eda sa raica kece ena itukutuku kaburaki: na udolu vaka udolu e ra vakavukaci tani mai Afghanistan. E vuqa era kele mai ena rara ni waqavuka ni mataivalu vuka se eso tale na vanua ni tuvakawawa e Qatar, Amerika, Jamani, kei Sipeni ni bera nodra tomana ki na vanua lokuci. Na nodra gagadre e vinakati vakatotolo, na Lotu e veivuke ena vakarautaki ni yaya kei ira na volodia. Ena Rara ni Waqavuka ni Mataivalu Vuka e Ramstein, Germany, a solia na Lotu e dua na ivakarau levu ni nodra pikini na gone, sucu, kakana kei na ivava.

iVakatakilakila

Na icau ni veivuke vei ira na ise

iVakatakilakila

Era culacula na marama oqo me baleti ira na ise ni Afghan

E so vei ira na lewe ni Soqosoqo ni Veivukei e raica ni vuqa vei ira na marama era daramaka na siqeleti nei watidra me ubi kina na uludra me vaka na kena ivakarau ena nodra vanua, baleta era a laudre mai na uludra ena rara ni waqavuka e Kabul. Ena yalo vakaitokani dina e takosova na vei matalotu se ivakarau vakavanua, o ira na marama ena tabanalevu e Ramstein ka soqona vata na isulu vaka Musulomani me ra vakaisulu kina na marama ni Afghan. Tukuna o Sisita Bethani Hall, “Keimami rogoca ni ra gadreva na marama na nodra isulu tabu ni masu, ka keimami sa culacula sara me rawa ni ra vakarautaki ira vinaka kina ena gauna ni masu.”⁵

Veivuke ni Uneune e Haiti

Na ivakamacala tarava oqo e vakaraitaka tiko ni sega ni gadrevi mo vakailavo se mo tamata qase me rawa mo vakayagataki ena veika vinaka. O Marie “Djadjou” Jacques e yabaki tini-ka-walu ka tiki ni tabana o Cavaillon e Haiti. Na gauna e yaco kina na uneune vakadomobula ena Okosita volekata na nona taoni, a ravuti na nodratou vale vakavuvale vatakei e vica sagavulu tale na udolu na vale era kasura vata. Dua na ka dredre me da vakasamataka kevaka me vakarusai na nomu vale. Io, sega ni raica vakalevu na dredre o, Djadjou ka—navuca—me vuki e tuba.

iVakatakilakila

Marie Jacques

iVakatakilakila

Uneune e Haiti

Na Veika e Sala vata kaya Mai

A raica e dua na marama qase e gadreva na veivuke ka tekivu veivuke vua. E vukea eso tale na vagalalataki ni benu lelevu. Dina ga ni sa oca tu, e soqoni kei eso na lewe ni Lotu me ra kau kakana kei na iyaya ni tiko savasava vei ira era gadreva. Na nona italanoa o Djadjou e dua ga vei ira na vuqa tale ni vakaraitaki vakasakiti ni veiqaravi era cuqena na itabagone kei na gone qasecake ni ra sasaga tiko me ra muria na ivakaraitaki i Jisu Karisito.

Veivuke ni Waluvu e Jamani

Vica na yabaki sebera na uneune, e dua na ilawalawa vaka tabagone qasecake a veivaqaravi vakataka oqo ena vanua vaka Atlantic. Na waluvu qo e tara taucoko na ra kei Iurope ena Julai ka dua e warumaisa duadua ena vica sagavulu na yabaki.

iVakatakilakila

Waluvu mai Jamani

Na gauna e sa lako sobu kina na wai, e dua na taukei ni sitoa ena yasa ni uciwai o Ahrweiler e Jamani, a vakadikeva na vakacaca ka dua na ka na nona kidrowa. Na turaga yalomalumu oqo, e dua na Katolika yalodina, e vakasolokakana ena masu vua na Kalou ke tala mai eso na tamata me vukei koya. Na mataka tarava, o Peresitedi Dan Hammon mai na buturara ni kaulotu e Frankfurt Germany vatakei o ira na noda daukaulotu ka era daramaka tu na siqeleti dromodromo ni Liga ni Veivuke. Na wai e sa yacova tu e 10 na fute (3 m) ena lalaga ni sitoa, ka biuta tu mai na e dua na qele soso vavaku. Era sivita tani na qele na volodia, kauta tani na ibutubutu-ibe kei na lalaga, ka biuti ira e gaunisala me usani na benu. Na taukei ni sitoa e sa marau ena nona cakacaka tiko vaka aua, kurabui ni vakauta mai na Turaga e dua na nona ilawalawa talai me sauma na nona masu—ena loma ni 24 na aua!⁶

Nona vosa ena sasaga ni veivuke raraba ena Lotu, tukuna o Elder Jeffery R. Holland: “Na masu e saumi… vakavuqa na gauna … ena nona vakayagataka e so na tamata na Kalou. Au Masulaka Me Vakayagataki Keda o Koya Au masulaka ni da na isau ni nodra masu na tamata.”⁷

Taciqu kei na ganequ, ena nomu veiqaravi, solia na gauna, loloma o isau tiko ni nodra masu na lewe vuqa. E se levu na ka meda vakayacora! Ni da lewe ni lotu papitaiso, eda veiyalayalati taka ni da na vukei ira era vakaleqai. Na noda sasaga yadua e sega ni gadrevi sara kina na ilavo se dua na vanua yawa;⁸ e gadrevi ga na veikaroni ni Yalo Tabu kei na yalo e tu vakarau me tukuna vua na Turaga: “Koi au oqo, mo ni talai au.”⁹

Luke 4 e vola ni o Jisu a lako mai ki Nasareci ena vanua a susugi cake kina, ka tucake ena valenilotu me wiliwili. Oqo na gauna seqai tekivu kina na Nona veiqaravi e vuravura, e qai wilika e dua na tikina mai na vola i Aisea:

Sa tu vei au na yalo i Jiova, ni sa lumuti au o koya meu vunautaka na itukutuku vinaka vei ira era sa dravudravua; meu vunautaka na sereki vei ira na bobula, kei na rai tale vei ira era sa mataboko, ka vagalalataki ira era sa mavoa,

“Meu vunautaka na yabaki vinaka i Jiova.

“Ena siga oqo sa vakayacori e daligamudou na ivolatabu oqo.”¹⁰

Au vakadinata na vosa ni kalou e sa vakadinadinataki tu ena gauna oqo. Au vakadinadinataka ni o Jisu Karisito e lako mai me vakabulai ira era luluqa vakayalo. Na Nona kosipeli ena vakabula mera rai na mataboko. Na Nona Lotu e vunautaka na sereki vei ira na bobula, na Nona tisaipeli e vei yasai vuravura e sasagataka me vagalalataki ira era sa mavoa.

Meu tinia ena nona taro o Jisu vei na Apositolo o Saimoni Pita: “Ko sa lomani au?”¹¹ Na isutu ni kosipeli e tiko ena ivakarau ni noda sauma na taro oqo vei keda ka “vakania na Nona sipi.”¹² Ena yalo rokovi kei na noqu lomani Jisu Karisito na noda iVakavuvuli, au sureti kemuni yadua mo ni vakaitavi taki kemuni mo tiki ni Nona veiqaravi vakasakiti, kau “masulaka ni na vakayagataki keda o Koya.” Ena yaca tabu i Jisu Karisito, emeni.