Gubin Binen’ nifan Fal’ngin Ngodaed

Daba’ e April 6, ni fulweg Yesus Kristus fare Galasia rok ko tin tomur e rran—nibang ko fan e Easter ninda falfal’aen migad machib nag mornga’agen Yesus Kristus nge yofas rok nib polo’, nge maligach ni tay, nge fare foskoyam’ nitay.

Yat ni yu Chinese e tabab nipan ni pagal nifak mo’on e piri’eg ba os.

“Rib fal’falaen,” ni yog fare neighbor.

“Baynigu’,” ni ga’ar fare mo’on.

Me mul fare pagal nifak u dakaen fare os nge doel’ nib gel.

“Da’ani fal’angin ngay,” ni yog fare buguliyiror.

“Baynigu’,” ni ga’ar fare mo’on.

Yib e salthaw ma da’ani fek fare pagal nifak nike ma’adad.

“Rib fal’falaen,” ni yog fare buguliyiror.

“Baynigu’,” ni ga’ar fare mo’on.

Re fayleng nay nima thil nigubin ngiyal’, ma mo’omaw’ ningan nang e tin binen’ nib yo’or, e kubay boch ngiyal nibay e fal’ngin e gubin riy—ma kubay boch ngiyal nida’ani—fal’fal’ngin. Machane, gafgow kore fayleng rodad ney,¹ “e gad manang ni gubin binen’ e rayib nga ta’abang ngodad ko fal’ngin nge adag rok Got.”² Aram rogon, nigadra yan u kanow’ngin migad lemniged e ma’ag nidted, “ma gubin binen’ e yibra yib nga ta’abang nibay fal’ngin ngodad.”³

Gubin binen’ ko fal’ngin ngodaed.

Ma’ag ni rib mangil! Fal’ngin e gum’an nibe yib yok Got! Reb rogon nrib fel’, fan e tin nikan Sunmiy nge rarogon Got e fan ningan nang e tin tomur nge tin mo’on binen’,⁴ ningan pii’ ngodad e tin nib mangil, ningan ayuwegdad ngan thothup nagdad ngayog ningad manged reb e thothup u fathik fare murnguy nge bayul rok Yesus Kristus.

Bayul rok Yesus Kristus e ra ayuwegdad nge tabiyuliy e denen rodad. Machane Yesus Kristus e rib papay ninge nangfan e amith, gafgow, ma’ar,⁵ kirban’, nge dar u buut’ rodad. Ra n’uw napan boch ii yan ngaram, ma fal’fal’aen Rok ni tay ni fas ko yam’ nge gafgow rok e ra fal’agin gubin binen nge fal’.⁶ Ma ayuweg nge chuweg e amith ko girdi’ nikar kirban’gad, nge urngin nikar dar gad u buut’, me pii’ e athamgil ko gidi’ nda’ani fal’ ngonglanrad, me dag e ma’ang’ang rok Got ngorad.

Gadad be yon’ed hallelujag nge tolul ni hosanna! Ma gelngin nge fal’ngin ni manemus, e murwel rok e an Ga’ nifan e fal’fal’aen rodad nigubin binen nra yib nga ta’abang nifan fal’ngin ngodad. Rayog ni ngad sapgad owchandad ngamo’on nib gel bugwondad ma dariy e tamdag.

Ran pagdad niyigogdad, ma rdabaninged e tinnib mangil. Napan nigara ga’ar “ii gag e ngu mel’egeg,” me gag e ngu mel’eg e gin ninggu wan ngu mada’ ngay, nge m’owar rog, nge tin ndabiyog rog. Bin th’abi gaa’ fan, fa’an gadaed ra rin’ ea tin mangil, mab t’uf ni ngad pired nib mangil rogdaed.⁷ Bachan ndariy reb nib mangil me kemus ni Got,⁸ Wap niged e ayuw rok Yesus Kristus.⁹ Ngad manged e tin ni th’abi yul’yul’, ni gadaed be gay rogon ni dabkud fekyathin gaed ni ngeyog ni ngad boded bugi bitir u mit Got.

Pagan’uy migad michan’dad u fathik Got, ma gafgow nge mom’aw u lane yofas rodad e ra yib fal’ngin ngodad. Joseph, nin chuw’iy nge Egypt nga mang reb e tapigpig, e sul nge ayuw e tabinaw rok nge pigirdi’en. Fare Profet Joseph Smith ni moey u kalbus nikanoeg e Kalbus u Liberty ngay e ii ga’ar “tin nib mom’aw ningam man u fathik, e fan ngom nib mangil ko bangiyal’.”¹⁰ Par nibay e mich rom nib gel, ma gafgow nge amith ni damur mel’eg e ra bangiyal’ riy mara yib e tow’ath ngom ni bo’or yang gin ngrayib riy.¹¹

Napan nra gel a mich u wan’dad migad pagan’uy ngak Somoel ma gubin binen e ran muruliy nga ta’abang ko fan fal’ngin ngodad;¹² man nangfan e gafgow “ni kemus ko ngiyal’ ney”;¹³mabngan’uy ni gafgow e fan ko athamgil rodad;¹⁴ man nangfan ni tinnibe buchbuch ko gafgow, woed e yam’, fa ma’ar e kabboch binen nra buch ko biney e yofas; migad pagan’uy ngak fare Chitamangdad nu Tharmiy nib ba’adagdad ni darbe pii’ e gafgow ngodad nibochane nge gechig nagdad fabe sap nga buut ngodad. Dabi pii’ e malang ngak bee’ nifa’anra be ning e flowa fa snake nifa’anra be ning e nig.¹⁵

Napanra gel e gafgow, ma kemus nib t’uf bee’ ninge chuchgur me matal ngodad ko gafgow rodad.¹⁶ Ma bay boch ngiyal ni, nan’ ningar yoegned e dabi ayuwegdad, demturug rogon nibeyib u gumircha’anrad. Bay boch ngiyal’ nib t’uf bee’ rodad ningam yoer gow u ta’abang; migad dag e amith rodad ngak, chachalban, nge damomow; me pag owran ni bo’or ban’en e danda ninged fan.

Napan nigadra pagan’uy ngak Got nge fare adag Rok ngodad, ma demturug e amith nra yib nga gumircha’andad, ya rani tomuriy ma ra’i, yib fal’ngin ngodad.

Gubanggu lamnag e rofan nem nig rung’ag mornga’agen e accident nibay chon e picha’an ninggu ba’adag riy. Ko ngiyal’ nem, u fathik e kirban’ nge mich, ma kemus ningar dga’argad, “Ke pii’ Someol, ma kiki fek Somoel; ma tow’ath e ra’i yib u fithngan rok Somoel.”¹⁷

Galasia u lan gubin yang ko nam, ma 3,500 ko stakes nge district, nge boch e 30,000 ko ward nge branch e yidbe pii’ e ayuw ko gan nge no’un.¹⁸ Ma lane stake nge ward rodad, e bo’or e tabinaw nge boch e girdii’ nibay e gafgow rorad, ma demturug ni fanra yidmanang (fa da’anra ninged) ni gubin binen’ ma ra yib nga ta’abang ko fan fal’ngin ngorad.

U Huddersfield, England, Brother Samuel Bridgstock e ni pat ngay nibay e stage-four cancer rok u mo’on ningan pining nge mang e stake president. Napan ni iraram nikan pat ko ma’ar rok, me fith ngak e pinn rok, Anne, mangfen nthingariyan ko interview.

“Nibochane,” Sister Bridgstock e ga’ar ngak, “ngan pinngem ngam mang e stake president.”

siasing/Llecheklel

Tabinaew ku Bridgstock

Susun nikabay ta’areb fa l’agrow e duw rok, ma President Bridgstock (bay e daba’ u roy) e be murwel u lane duw ni aningeg. Bay boch e ran nib mangil ma kubay boch nib mo’maw rok. U lane stake rok e kar taga’gad ko mich, nge murwel nge tin nib mangil u gumircha’anrad. Ma da’ani moem ngorad, machane pinn nge chon e tabinaw rok e yidbe par u fathik e mich, guman’, nge nangfan ko kirban’ nifa’anra yidra pagan’rad ngak Yesus Kristus ko fare Bayul ni tay ma ra yib e fal’ngin e tinnib mangil ko tomur riy.¹⁹

Fa’anra gadra par nigadba gapas, mab ngan’dad, ma gadra thamiy e tin nib fal’ ya’an nge rogon fal’ngin, fare ma’ag nibe yib rok fare Somoel rodad. Chingiyal’ nem, e be Pii’ ya’an buchuw ngodad ko mang e yofas ko manemus nigadbe par riy ko reb e ran nge reb, nibay ni tin ba’achig fa moem e rani muruliy nga ta’abang e mang ko fal’ngin ko picha’an niyibe fek nge picha’an ni yibe pii’.

Rebekah, bppin nifak e bin so’omon e mission president rog, e ii weliy ni Somoel e ii fulweg e maybil rok ni’i pii’ nifan ngak bee’.

siasing/Llecheklel

Rebekah e pii’ ngak e re bpin nem e machine ko portable oxygen tank ko nina’ rok ngak ninge ayuweg.

Bay reb e balayal’ ni, Rebekah, e ii yoer nag e nina’ rok nike yim’, ma yib ngan’ ko ngiyal’ nem ningeyani chuw’iy e gas ko karo rok. Napani taw ko station, me guy bee’ npinn nibay e oxygen tank rok nibe mom’aw rogon ninge pogowfan. Ta’aboch riy, Rebekah e pii’ ngak e re bpin nem e machine ko portable oxygen tank ko nina’ rok ngak ninge ayuweg. Ma ga’ar e re Sister nem ngak, “kamagar kam pii e pogowfan ngog.” Rab fal’ngin e murwel nifa’anra gadra pigpig ni woed Yesus Kristus.

Ba mo’on nin ta’row e bitir nib-pagal rok nga ta’abang ngar minister gow e ii weliy ni, “ministering e woed nigadbe fek a okas ko fagar rodad nge tow ko ngiyal’ nike pagan’ ngom nigur e fagar rok, woed e ya’al nibe pii’ e ayuw so’omon.” Ma’ag nibay rok Yesus Kristus e be pii’ e guman’, be fek ngata’abang, ma be ayiliy u buut’.

Ma re kebuch binen’ nib kireb, ma murnguy rok e Chitamangdad nu Tharmiy e rii pag’owran ngodad ni minang e amith nge rogon e thamiy rodad ko ya’al rodad. Ba’aray reb e example riy, bay ba tabinaw nin fek reb fakrad nib bitir nga aspital ma ta’aboch riy e ra thamiyed fare Kan Ni Thothup nir ninged ko mange e ra buch.

Bay boch ngiyal’ ni Somoel e ma pagdad ngad thamiyed e chon e tabinaw rodad u lane fare viel. Bay reb e Sister ni pir’eg e fal’fal’aen u dakean Yesus Kristus ko mornga’agen fare gospel nin fulweg. Ndariy fan nibay l’agruw i ban’en ni buch ulane yafos rok—guy boyoch ni yibe mad’ad’ nge chitiningin ni yim’, ni chitiningin e ir e thang e pogofan rok’.

siasing/Llecheklel

Fare sister e yag ni gel ko biney e murus min tawfe nag.

Machane demturug nire Sister ney e ii tamdag ko ran, ii athamgil ngan tawfe nag u fathik e ran. Ii fal’fal’aen nib gel ko rofan nem, ma’i guy bee’ ni fal’agin e murwel ko temple nifan e tawfe ko nina’ rok. Ii yog ni, “Murwel ko temple e ii ayuweg e nina rog, maki ayuweg neg”. “Iraram so’omon nigu damiy e gapas.”

Be pag owran ngodad ni gubin binen’ e ran muruliy nga ta’abang nifan ko fal’ngin ngodad.

Fare Babiyor ku Mormon nibay u pa’dad e be paguwran ngodad ni Yesus e ir fare Kristus nira yan u dakaen fare prophecy rok ni weliy. Ii yoloey ba profet ni guy e ran rodad ko ngiyal’ ney, ni woed ni weliy u lane fare Babiyor ku Mormon—ba tabinaw ni yan u fathik bo’or bugi binen’. Machane, gadbe fil u 1 Nephi 1 nga mada’ ko Moroni 10, nigad bachuchgur ngak Yesus Kristus nibay e mich rodad nib gel ni tin nike buch u so’omon u roem nge mada’ ko chiney e rayib fal’ngin ngodad ko ngiyal’ ney.

Gadbe guy fal’ngin e temple nfan ngodad, nibochane fapi profet rok Somoel nibe murwel nib almarin nge yoeg ningan toey e no’un rok Somoel nib chuchgur ngodad. Gadad be guy fare ma’ag nge gam’ing rok Got ni irr e Chitamangindad nge Yesus Kristus me yog boch e minangfan nge gonop ko biney e yofas. Fal’egin nikemus ni ta’areb nge mada’ngareb, fithingan ko fithingan, gadad ma pii’ e fapi chon ko tabinaw nib t’uf rodad—pi ik’ ea gaal’—pi gam’ing ko thap nge tawa’ath ko micheg udakaen e rogon rok’ Somoel ni woed pi somoel u dakaen mount Zion.²²

Napan nibe chuchgur e temple ngodad, ma reb e maligach nirayog ningad pi’ed ngak Somoel e ngad dared ngad gayed e thothup rok nib gel u lane no’un rok. Bo’or e duw, nid chariyed, ngad murwel gad, nge maligach nid ted ngayog ningad bad ko temple. Ma chiney, nifa’anra yog rom, ma wenig ngom mub nib yo’or yay ko fare No’un Nib Thothup Rok Somoel. Pag e ngonglan e murwel ko temple ningeyog ninge tow’ath nigem, me yiroriy nigem, me pii’ athamgil nge lowan’ ngom nge tabinaw rom—tabinaw rom ko chiney fa fare tabinaew nirayog ngom fa bangiyal’ riy.

siasing/Llecheklel

Reb e titaw nibay u wuru’ e tempel.

Ma reb, fa’anrayog rom, wenig mu tafneynag e pi tawa’ath nirayib ngom ko chuw’iy e mad ko temple nge par ni biroem.²³ Bayba titaw ko ba tabinaw ni ii yoeg ni karimus ni ribba’adag ninge yoeg boch e mad ko temple ninge par nikemus ni birok. Ma bitir nifak fak e ii yoeg ni, “titaw e ii ga’ar nga telig, ‘gura murwel u lane temple nibay a mad rog nifan e temple, machane gura yim’, maran uneg ko k’eyag yog.’” Ma iraram napan ni taw ko yam’ rok, man rin’ ni aram rogon.

President Russell M. Nelson e ii ga’ar, “Gubin binen’ nigadbe michuwan’dad ngay ko urngin fare ma’ag rok Got e kani michmicheg me yib nga ta’abang u lane fare temple.”²⁴

Bay ko ngiyal’ nra buch, ni rogon fan nikan Sunmiy e fayleng Rok Got e bachan ninge yib gubin nib ga’fan nga ta’abang.

Aray rogon e muruwel rok Somoel ko manemus. Iraray rogon e sap Rok ko manemus. Iriray a ma’ag Rok ni manemus.

Napan nra yoyi’or e gafgow ko yafos nge be yo’or bugi binen nida’ani tomilang, ma gaba’adag ninge yog e yofas nib fal’ ma da’anda ninged rogon, wenig dabad ngak Got ni’ir e Chitamangdad nge Yesus Kristus. Pag Anum Ngorad, yidba adagem, miyadbe athapeg gubin binen nib mangil ninge buch roem. Ri gub manang, ma yad manang, ri gub falfalaen’ ngay ni gube micheg u dakean fithingan nib thothup ni’ir Yesus Kristus, amen.