Ta’areb nag fare L’agruwi Motochiyel ni Th’abi Ga’
Rogon rodad ni ma laek Yesus Kristus e ba taga’ nga dakaen gelngin rogon ningad pired u lan fabin so’omon nge magid e motochiyal nibay lukngun mab ta’areb.
Tabolngin I Morngaʼagen
Le’engin ni, Lesa, nge gag e gamow ma yan ko assignment u langab e fayleng, ma rigamow ba’adag nigumow mayib guymed ko achig nge tiyugang’ e mo’olung. Murwel nge mich romed ngak Somoel e yibe dag ko testimony romed rok fare gospel rok Yesus Kristus. Gubin ngiyal’ nigamow ra sul ko milekag u roey ma gamow ma tafiney nag ko fal’rogon ni kug pi’ew e ayuw ngomew ni woed rogon ni kam pi’ew.
Napan nigamow ra milekag, ma rbuch’uw e time ni nggu sapsap gow boch. Machane, nggoeg ni, fa’anra ke yog, muy par u lane e puul ngguu fal’agin binen’ ni rug ba’adag. Rig ba’adag e architecture binen nrayog ninggu fal’agin ya’an mug toey nib fal’rogon. Woed e wethal nikanoeg e suspension ngay e rig ba’adag. Woed e wethal ni kanoeg e Rainbow Bridge Tokyo, fa Tsing Ma Bridge u Hong Kong, fa Tower Bridge u London, fa boch niku guy, ya rug ba’adag rogon e engineer ni kan murwel ngay nge rogon ya’an ni kan fal’eag. Wethal e ma fekdad nga boch biyang ningad daraed ngay. (Umon ni gu ba wan, gu ba yog, e wethal u Baltimore ke gothey. Gadad ba kirebaen’ ko yam’ nge ba wurengaen’ ko tabinaw rorad.)
Wethal nikanoeg e Suspension ngay nib Fal’ya’an
Kafram, e muruwel ko conference kug wan ko California, kug wan u dakean e wethal ni kenog Golden Gate, ni ir e ba wonder ko fayleng ko engineering. Wethal ni nib mangil e thilrogon ya’an nibeyan u fathik nin fal’agin u ta’abang, nge rogon ninge murwel, e rogon e engine riy nin fal’agin. Re wethal nem ni suspension, e ni fal’agin nibay yuyang riy u mo’on nge tomur ninge ayuweg nge thekiy nga ta’ ngalang. Fare colossal riy, e rib fal’ya’an nin tay ngalang riy ni woed ya’an e twin tower nibay u dakean e day nip tapeeth nikan fal’agin. U ta’abang e bay e pinen nibe ayuweg tomalingin ko boch a cable nib thakiy ya’an, niwoed nibay e bet u tamun. Rogon nikan fal’agin—e bay gelngin niwoed e tower—iraram fal’ngin nikan fal’agin.
Golden Gate Bridge District
Ya’an e sasing ko wethal nin fal’agin so’omon e be yip fan ko testimony riy nin fal’agin ko rogon nin welliy mornga’agen e engine riy. Bay ko re wethal nem ni tomalingin-e bay nikan fal’agin nib thig nga ta’abang, ni la’agrow a thaaq nibay u ta’abang riy.
Getty Images/Underwood Archives
Napan ni ma’ay i toey, ma ribgel lukngun e tower nintay u ta’abang nge anchor nge daef riy, ma rib fal’ ya’an.
Dabay e gube piningem ni ngam sap kore wethal ney nigube weliy mornga’agen—ko twin towers riy nin toey ko daef nib gel—u fithik fare lens ko gospel.
Ngiyal’ ni’i machib Yesus Kristus, ko rofan ni kanoeg e wik nib thothup ngay, e moy bugithin nima yoeg ba lawyer nib Pharisee1 ni fith ba duwer ngak Somoel ni ma nang nib mom’aw ni ngan fulweg e thin riy:2 Pilung, binngan e motochiyal e rib ga’fan?” Fare lawyer, “nibe gay rogon ni nge lumel nag” e bay gay e fulweg ko thin nib thil ko nen’ nibe fith, fa be yoeg lingan nib fal’rogon ko gin ni ke yib riy, e i fulweg e thin ngak nib luwan’, mab mangil, manechubog, nge t’uf.
“I ga’ar Yesus ngak, nge t’uf Somoel ni Got rom, u lan gumircha’em, nga gubin e ya’el rom, nge gubin lanin’um.
“Iraray e bin somm’on nge bin falel’ e motochiyel.” Matal ko fare mornga’agen e wethal nikan weliy, bin so’omon e tower!
“Bin migid e boed, Nge tu’uf e yoror rom ni boeded.” Iraray e bin la’agrow e tower!
“Urngin e motochiyel rok Moses nge tin i fil e pi profet ko girdi’ e bay nga daken e gali motochiyel ney.”3 Tin nike aw ko fare wethal!
Ngad gayed u lan fagli la’agrow i motochiyal ni rib ga’fan ni dag me bi’eg Yesus Kristus ko fulweg e thin ni tay. Napan ni ngad rin’ed, mag tafiney nag ya’an fare wethal ni kanoeg e suspension brigde ngay nga i yib nga lanin’um.
Mu adag e Somoel rom.
Bin so’omon, e ngam adag Somoel ko gubin yang u gumircha’em, amithngim nge tafiney rom.
Rogon ni fulweg e thin e, Yesus Kristus e kunuy nga ta’abang fanowngin ko motochiyal nibay mornga’agen nib thothup u lane Fare Old Testament. Ni thingaram adag Somoel ko gubin yang u gumircha’em—owrungin yang u dowem. Somoel nibe fith ni ngam adag u gubin amithngim4—gubin yang ko dowef—nge mu’, mag adag ko gubin e tafiney rom—leam rom nge luwan’ rom. Adag rok Got e gathi ba achig fa da’ani n’umngin yang. Ba n’uw yang mab manemus.
Gag i, e woed ni bin so’omon e motochiyal e boch ngiyal’ e rib mom’aw ngog, fa dagur nangfan e tin nib moem riy. Kug fal’fal’aen, napan ni gu nang fapi thin rok Yesus, me rogon fapi motochiyal e moem boch rogon ngog: “fa’anra ga ba’adageg, mag tayfan e motochiyal rog.”5 Biney e rayog ni nggu rin’. Nrayog ni nggu adag e Chitamangig nu Tharmiy nge Yesus Kristus, me pow’iyeg ko meybil, fil fapi chep nib thothup, mug ta’fan e temple. Gadad ma adag Chitamangdad nge fare Pagal Nfak u lan rogon nigadbe pii’ pilwon e tithing, nge tayfan e madnam ni reb e rann nib thothup, pired nib bi’ech mab polo’ e yafos rodad, magad btafol ngak.
Adag ngak Somoel e bay ko rogon ni gadma rin’ ko tin nib achichig bugi binen, yanu kanawo’ey ko fare kanawo’ ko ma’ag: Ma picha’an pi’lal, ni use nag e social media ko tin nib mangil ma gathi ngan puthuy; mu chuw ko mitmit, fa kachido, fa boch a fafal napan nigara nang nike kireb rogon e ngongal riy; mudag e tayfan ko tin nib manechubog.
Ma lem nag rogon biney e kanawo’an. I ba Madnam ko fast napan Vance6 nge gag be yean ko tabinaw nib achichig. Gadow nge boech e deacon u quorum ma rung’ag fare thin “Wenig moy u lan,” ke k’uul u thin nu German ni rayog ni rung’ag u fithik e mab. Sister Muellar e ta’areb ko cha’ nu thil e nam u lan e ward. Dabiyog ni fulweg fare mab, machane ir ba malmit. Napan kug yean u tabinaw, ke fangiich ko pi duwer ney: Mang e fithing row? Ke urogom boech? Ba tu’uf Somoel rog? Kug fulwegew nge kug yog gow ni kad bow ni fek e fast offering. Ni dariy fan ni gadow e bitir, gadow ba nang ni buchuw e salpiy rok, nge fulweg rok nib thothup: “Kug tay e salpiy u daken e teebal biney e kadbul. Ri gub falfalaen’ ko ni ngu pii’ e fast offering rog. Rayog ni ga ba tay u lane envelope nge yoloy e fast-offering receipt?” Adag rok’ ngak fare Somoel ke chibiy ngalang e mich romew urngin e yay kug chuw e na’un rok’.
Fare pilung i Benjamin e weliy ni pi cha’an ni yad ma laek kanawo’en fare bin so’omon e motochiyal e ra yib fal’ngin ngorad. “Nge ku arragon, ni gu baʼadag ni thingar mu lem niged rogon e tawaʼath nge falfalaenʼ rokʼ e piʼin ni yaed mafol ko fapi motochiyel rokʼ Got. … Ya muguyed, kan tawaʼath nagraed u fithikʼ gubin banʼen, ni lʼagruw mit, … ma faʼan yaedra athamgil nge madaʼ ko tomur ma yaed ra thap nga tharmiy … [e] yaedra paer riy rokʼ Got u fithikʼ e falfalaenʼ ni dariy nʼumngin i napʼan.”7
Adag Somoel e ra’i pow’iydad ko fal’falaen’ nimanemus!
Tu’ufeg e cha’an ni Buguliyoror Rom
Yesus ke yog, “Ma bin migid ngay e motochiyel, e thangri t’uf rom e en ni buguliyoror rom ni gow e gur.”8 Iraray e bin la’agrow e tower ko fare wethal.
Iraray ginfan e wethal rok Yesus nga tharmiy, ni ngan adag Somoel, ko rogon e sap nga lang, nge rogon e adag rodad ngak boch e girdi’. Reb e ngad taga’gad nga dakaen dad. Adag ngak Somoel e dabi ma’ay rogon ni fa’anra ngad patlined e buguliyoror rodad. Re adag ney e fan ngak gubin pfak Got ni demturug ni bpin fa mo’on, tolang fa sobuut’, gini mub riy, rogon pilwom, duw roem, fa gin nim ilal riy. Gadad ma ayuweg e picha’an nibay e amith rorad fa kar kirban’gad, picha’an niyibe togor ngorad, ni bachane “gad gubin nigadba ta’areb ngak Got.”9 Ma “gadad ma ayuweg e mo’owar, tiniy pa’ nga lang ko picha’an ni bay pa’rad nga buut’, mag ayuweg ngam gel nag buguniy rad.”10
Mu lem nag mornga’agen: Brother Evan11 e ginmit ngay ni thamiy rok ninge tal nge knock ko ba mab ni da’ani nang ko mini’ e tabinaw rok e ram. Nang ko mang fan ni ke tal u roem, napan ni bing ba bpin e mab rok ni chitinngin i ragag e bitir nike yim’ e pumo’on rok’ mab t’uf e ayuw rok. Bin somm’on e ayuw e nib moem, b’tuf e peen nifan e na’un rorad, ni nge mu’ mani minister ngorad ko boch binen nib t’uf rorad iyan nga mo’on.
Re nina’ ney e yoloey mornga’agen e magar ko fagaer-rok u tharmiy: “Man u fithik e yofas rom ni gabe pii’ e ayuw rom ngomad. Ma ri gu ba’adag ni gu ra rung’ag e tin ni nge yoeg Somoel ngom boran ni nge pining e magar rok ngom ko ayuw ni kam pii ko salpiy nge amthim ngomad nge kuboch e girdi’ ni kemus ni yigo’gur nge Ir e gamew ma nang. Kamagar ko tow’ath rom nikam pii’ nib bo’or yanggin riy, … nge missionaries nikam pii’ e ayuw ngorad. … Gu ma lem nag ko mang fan ni ke me’elegem Somoel fa bochan e yigo’gur e ga be matal.”
Adag e buguliyoror rom e bay ma’amngin Kristus riy nib goal mab ta pii’ e ayuw. Rayog garam n’ag e damomow rom, mag n’agfan e dinen ko toqgor rom, mag pining e buguliyoror rom mag pii’ ayuw ngorad, makag ayuweg e tin nib labthir e girdi’? Gamed gubin nrayib e athapeg nge gonop nib mangil napan nigamed ra toey fare tower ko adag ngak fare buguliyoror rom.
President Russell M. Nelson e fil: “Ayuweg e gidii’—ngan gay rogon ni ngan t’ufeg boech e gidii’ fa ba gel nga rogon ni gadaed be t’ufegdaed—iraram e falfalaen’ rodaed. Ni rib ga’ ni ngayal’ … ngug uneg ngay, ni dabundaed fa ngayal’ ni dan macham gaed ngay. Par ko bin migid e motochiyel e iraram fare kiy ni ngan mang gachalpen Yesus Kristus nib riyul’.”12
Taga’ nga dakaen u ta’abang
Jesus e fil ngodad, “Urngin e motochiyel rok Moses nge tin i fil e pi profet ko girdi’ e be gif nga daken e gali motochiyel ney.”13 Kan pii’ kanawo’an nib fal’rogon. Rib ga’fan ninge ta’areb lingun dad u lukngun ngak Somoel migad adaged gadad. Rogon ni rayog ni nge murwel fare wethal ni kanoeg e Golden Gate Brigde ngay u ta’abang, e bt’uf ni fagli tower e bay gelngin riy u ta’abang ni nge fek tomalingin fare suspension ko cable riy, nge kanawo’ riy, nge traffic nibe thil riy. Fa’anra dariy e pin’ey riy, ma ra kireb binen’riy, fa ra puth nga buut’. Demturug ko wethal nib suspension ni kan toey ningeab falngin, e thingari yog e tower ni nge murwel nib fal’rogon u ta’abang. Maku ta’abrogon, nigad ma laek Yesus Kristus e ba taga’ nga dakaen gelngin rogon ningad pired u lan fabin so’omon nge magid e motochiyal nibay lukngun mab ta’areb u ta’abang.
Boch ngiyal’ ni gadma patlin ni ngad guyed, ni fayleng e be yan boch u ya’an nidari yip’fan e pin’ey. Boch e kari par nibe sap ko fapi motochiyal ma yad be sap nga buut’ ko picha’an ni yad be guy ni da’anra yul’yul’ rogon e par rorad u laniyan’rad. Boch memba e mom’aw rorad ni ngar adaged boch e girdi’ nike me’eleg ni nge par ko yafos rok nib thil ko galasia fa reb e ma’ag nib thil ko teliw, fa boch ni dari ma yan ko misa.
Machane, bay boch’ nimnangfan e adag ni rib ga’fan rok gubin e girdi ni demturug ko ngar ninged e murwel ngak Got fa danga. Bay boch ni dabunrad ni ngar ninged e tin nib riyul’ fa mat’aw nge gilay’, ni tin thingarda ninged e t’uf rodad ko guman’ ko papingin boch e girdi’. Gali thabthabel ney e ra’i ngongliy e wethal ko fare thothup rom ni nge mul fe thig.
President Dallin H. Oak e weliy rogon ni arogon: “Kan motochiyilan ngodad ni ngad adag gubin e girdi’, ni woed fare yat ko Samaritan ni Yesus e fil ngodad ni gad gubin e bay e buguliyoror rodad. Machane falfalen’ rodaed ni ngad fol gaed ko bin l’agruw e motochiyel e ri dabi n’anggin daed ngad pagtilined e bin somm’on, ni nge t’uf Got rodaed u gubin polo’ i gumircha’en daed, ya’el, nge tafney.”14
Thin Tomur
Duwer ni ngad fithed ngodad e, Urogon ningad toeyed fare wethal ko mich nge ognigey—nga lang ko fapi tower ko adag ngak Got nge adag ko buguliyoror rodad? Ere, ngad tababgad. Gadra tabab ni buch’uw riy u som’on ma woed ya’an e murwel nikan yoloey u keru’ e napkin fa bin so’omon-ko blueprint ko fare wethal ni gadbe athapeag ni ngad toeyed. Bay boch e gol riy ni ra ayuwegdad ngad nanged boch mornga’agen e gospel rok Somoel fa ndabni sap ngak bee’ nga buut’. Dariy bee’ nib achig fa labthir ni dabiyog ni nge tabab nga’.
Rayan ngarom, ma meybil nge fal’ngin a laem ko murwel, e ra’i ayuwegdad. Tin nib bi’ech papngiy e ra’i fal’rogon fal’ngin. So’omon e draft e ra woed a blueprint nib fal’rogon. Gadra toey fare wethal nib thothup nibay u gumircha’aendad nge tafiney rodad ni fan ngak Chitamangdad nu Tharmiy nge fabin Kerimus i Fak ni Pagal nge piwulagendad ni pagal nge bpin nigadma murwel, fafal, nge par u ta’abang.
Ra yan e rann iyan ngaram, ma gara guy e wethal ko suspension fa muguy ya’an ko sasing, ko rogon e tower riy nibe yan nga lang, mag gube piningem ni ngab ngan’um fagli la’agrow e motochiyal, ni weliy Yesus Kristus u lane New Testament. Gu be athapeg kanawo’aen Somoel ni nge ayuwegdad. Gu be athapeg gumircha’aendad ni ngad sap gad nga lang, ngad adaged Somoel nge migad sap ngawan ngad adaged e buguliyoror rodad.
Gube athapeg ni nge pii’ gelngin e pin’ey ko mich rodad ngak Yesus Kristus nge fare Bayul Rok, ni gube weliy mornga’agen u dakaen fithngan Yesus Kristus, amen.