Mu Ta’reb Nigem Ngak Kristus

Kug thamiy fare Bayul rok Yesus Kristus napan ni kug ba pagal, machane dan’gu nangfan ko mang e be yipfan e Bayul rok Somoel nge mada’ ko ngiyal’ ni ke 25 e duw rog. Kug mu’ nag e skuul ni kan pining e Standard Law ngay ni gu be study nag mug fek e sikeng ni kanoeg e California bar exam ngay. Me kol e nina’ rog ni yog ni tutuw rog Crozier Kimball, ni ma par u Utah, e ribe chuchugur ni nge yim’. Me yog ngog ni fan’ra guba’adag ning guy, ma chingiyal’ ney e ngu wan nga tabinaw. Tutuw rog e ba 86 e duw rok ma ir ma’ar nib gel. Kug fingich gow ni rib fel’rogon. Fal’fal’aen ni guyeg me weliy mornga’agen e tin ni mich u wan’ rok ngog.

Napan ni Crozier e dalip e duw rok, ma papa’ rok, David Patten Kimball, e yim’ napan niba 44 e duw rok.¹ Crozier e athapeg ni chitamanging nge titaw rok Heber C. Kimball, e riyow ra fal’fal’aen ngak ko athamgil ni tay ko fan ko birok e yafos nge tabinaw.

Tutuw rog e pag uwran ngog e tin ni dab gu rin’ ni woed e toelngan’ fa u fanthin ni bochane mich nge murwel ni tay pigirdi’eg kafram. Ke yog ngog ni ngu par mad sap owcheg ngak Somoel nge fare bayuliy ni tay Somoel ni fan ngog. Ke yog gadad gubin e bitir ku Chitimangindad nibay u Tharmey ni gad rib t’uf rok. Demturug ko mini’ e pigirdi’endad kakrom u fayleng, ya ra bag dad e ra weliy salpean ngak Somoel ko uw rogon ni yan u kanawo’an fapi motochiyal Rok.

Tutuw rog e yog ni Somoel e “Bee’ ni ma par ko fare Gate,” bay e reference riy u 2 Nephi 9:41. Ke yog ngog ni rib e athapeg ni ke rin’ gubin binen ni nge rin’ u fayleng nga yog e murnguy rok Somoel ngak.²

Kug thamiy bugi binen nib gel. Guma nang ni’ir ba mo’on nib yul’yul’. Ir mang reb e patriarch ma yan ko missions ko galasia nib bo’or. Ke fil ngog ni dariy bee’ rayog ni nge sul ngak Got boran ni kemus ni bay u murwel ni kar ted nib mangil ma ni dariy ma’amngin e bayuliy ni tay Somoel rorad. Puguwaneg ko daba’ fare adag nge magar nibay ko Tutuw rog ngak Somoel ko fare bayuliy ni tay.

U 2019 napan e murwel rog nigu tay u Jerusalem,³ mug waen nga senggil nga lang ko gin ni lukuy Somoel tugun’ay reb a Apostel Rok riy u m’on nin kruth nag. Kug thamiy nib almarin ma yaen e tafiney rog ko rogon ni pii’ e motochiyal ngak e pi Apostel rok ni ngar adaged yad.

Kug lemnag morga’agen e Meybil ni tay Somoel nib gel nifan ngodad. Re meybil ney e yan u dakaen riy u m’on ni chuchgur ni nge chuw ko biney e yafos Rok nin record nag u lane fare Gospel ku John.

Re meybil nem ni tay e fan ngak e pi cha’an ni yad ma laek Kristus, ni ka be yip’ fan ngodad.⁴ U lane murnguy ni tay ngak Chitamangin, Ke wenig ngak ni ga’ar “ayuwegrad ngar pired ni yad gubin ni kar ta’reb gad; ni bod rogon ni ga bay u fithik’ag ma gu bay u fithik’am.” Ulul i weliy Somoel ni ga’ar, “Kug pi’ ngorad fare fla’ab ni pi’ ngog ni fan e nge yag nra pired ni kar ta’rebgad ni bod rogodow ni gadow ba ta’reb.”⁵ Ta’abang e meybil nag Kristus u m’on ni ngan kruth nag min chuw Rok. Ta’areb gad ngak Kristus nge Chitamangindad nu Tharmiy e rayog ni nge fek ngodad u lan fare bayul rok Somoel.

Murnguy rok Somoel e gathi be taga’ nga dakaen e tha’ rodad, fa low’an rodad, fa salpiy, tiyug’ang nge gin ni kad bad riy. Be yip fan ni ngad bad nga ta’abang ngak Kristus nge pi motochiyal Rok.

Fare profet Joseph Smith nge Oliver Cowdery e yib ba yi’iy ngorow ko mornga’agen yarmeran e Galasia nge am u lane duw u 1830, u tomuran nin yarmiy fare Galasia. Bin b’aray e section 20 ke bi’eg ko Profet Josef u bin so’omon e conference ko Galasia nge fare e bin so’omon e yi’iy nin pag mat’won ko picha’an.⁶

Re rogon e re yi’iy ney e rib ga’fan. Be fil ngodad e tin nib ga’fan ko fare muruwel rok’ Somoel nge rogon ni nga yog gelngin nge tow’ath ni nge pii’ ngodad u fithik e murnguy ko bayul Rok. Fare Profet Joseph e ba 24 e duw rok ma’i yib e yi’iy ngak nib yo’or me mu’nag i thiliyeg e thin u lan fare Babiyor ku Mormon u dakaen gelngin nge tow’ath rok Got. Joseph nge Oliver e yow la’agrow i Apostel, mi yow sap u dakaen fare galasia ni pii’ mat’won ngorow.

Verses 17 nge mada’ ko 36 e bay mornga’agen e machib ko Galasia riy, nibay e tin ni kanoeg mornga’agen Got ngay, fare lekngin i sunmeg e girdi’, fare mul, nge murwel rok e Chitamangdad nu Tharmiy ko rogon ni ngad suled ngak u fithik fare Bayul ni tay Yesus Kristus. Verse 37 e bay e tin nib t’uf ko man rin ko tawfe u lane Galasia rok Somoel. Verses 75 nge mada’ ko 79 e be pii’ mornga’agen e meybil ko sacrament.

Fare machib, gam’ing, sacraments, nge yang u dakaen ko pinen’ ni ngongliy Got u fithik Joseph Smith, fare Profet ko Sulweg, e rib riyul’ bugi binen’ riy.⁷

Pinen nib t’uf ko fan e tawfe, e rib ga’fan, ma kab moem boch rogon. Be un ngay ni ba ma’ing u dakaen ngak Got, migad munguy niged e tafiney rodad min kiriban’,⁸ man ning e na’agfan ko denen, feked nga dakaendad fithngan Yesus Kristus, athamgil nge mada’ ko tomur, min dag ko rogon e murwel ni gad be tay ni ke yib ko fare Thothup ku Kristus.⁹

Rib ga’fan ni gubin binen nib t’uf ni ngan tawfe e thingari thothup. Da’ani t’uf lingun e murwel rom fa rogon e yilan. Gafgow nge fela’ab e ta’ab rogon e tin nib t’uf rorow ko fare thothup.

Da’ani t’uf e gin ni kamub riy, pin fa mo’on, fa rogon gin num ilal riy. Fare Babiyor ku Mormon e yoeg nib fal’rogon gubin e kan pining rad ni ngar feked fal’ngin Somoel, “ni talimor nge wechwech, ni kalbus nge de kalbus, ni pumoʼon nge ppin; ma ku bay u waenʼ fa piʼin; … dariy loren Got u wunʼraed; ma gubin ma taʼareb rogon rokʼ Got.”¹⁰ “Ya gubin e gidiiʼ mab puf rogon ni nge yog ngoraed ni taʼareb rogon, ma dariy beeʼ ni yira siyeg rokʼ.”¹¹

Arogon nigad “boed” Got, ma dariy binen susuan nra thil buchuw riy. Ra yoeg boch e girdi’ ni “ngan tafiney nag ni bo’or boch e girdi’ ni da’an ta’aborgon ngodad mab thilthil rogon ngodad. [Boch] e fek nib riyul’ mab thil nib achichig, machane baga’ anggin u ta’abang.”¹²

Ma boch, e kar lemniged ni bochan e kan pining gubin urngin ni nge nang fal’ngin nge yofas ni manemus Rok, yad be lemnag ni dariy e tin nib t’uf ni ngan rin’.¹³

Machane, yib e yoeg u lane fapi chep nib thothup ni gubin e girdi’ e ngar kalngan’gad mi yad tayfan fapi motochiyel Rok.¹⁴ Fare Somoel e yog nib fel’rogon ni “puf rog raed ni ngar melʼeged yalen e paer nge yafos ni manechubog, u dakean fare Taʼayuw ko gubin e gidiiʼ, … mi gimed fol ko pi motochiyel rokʼ ni rib felʼ; mi gimed yulʼyulʼ ko thin rokʼ, mi gimed melʼeg e yafos ni manechubog.”¹⁵ Fa’anra ngayog e tow’ath ko Bayul rok Somoel ngodad, mab t’uf ni ngad duguliyed Kristus nge kanawo’an nge pi motochiyel Rok.

Napan e yofas rog, ma nen’ nibe pow’iy mornga’agen e “mel’eg” nge ”pufpuf rogoy” e kani gathay ma kun kireb nag lingan. Kubay boch e girdi’ ko chiney ni ma ululeg e thin ko togopluw ko mornga’agen e pin’ey.

Bay reb e babyor ni yib ko university alumni, ni reb e sensey ni biologist e yoeg, “Dariy tigil’ e mat’aw ko me’eleg.”¹⁶ Maki ga’ar, fare sensey ulan fare article, “Dariy e Got, … ma dariy e mat’aw ko me’eleg, … ya biney e ba fayleng nib ga’, nib thil.”¹⁷ Rugbe disagree ngak ni rib gel.

Reb e def ko gam’ing rodad ko mich e rib t’uf ni ngad me’eleged,¹⁸nib pufpuf rogoy riy.¹⁹ Me’eleg e bin ni ngam rin’. Rib t’uf ko tanom ko faskoyam’ rodad. Fa’anra dabiyog ni ngad me’eleged, ma dabiyog ni ngad filed, migad mon’og, fa gad me’eleged mi gad ta’areb ngak Kristus. Ni bachane bay rogon ni ngad me’eleged kanawo’andad, gadba “pufpuf rogon dad ni ngad me’eleged e liberty fa yafos ni manemus.”²⁰ U lane mo’olung nin tay uklan fare Ulung u Tharmiy, ma plan ko Chitamangdad e bay e murwel ni ngan me’eleg riy. Lucifer e damomow me “gay rogon ni nge kireb nag rogon ni ngan me’eleg.”²¹ Aram fan rogon, ni dan pii’ e dowef ngak Satan nge picha’an ni laek.

Ya’al rodad u so’omon e meel’eged ni ngad laked kanawo’an Chitamangdad nu Tharmiy. Ya’al ni yibe gargaleg nga fayleng e be ulul i yan ni bay mat’wonrad ni ngar me’eleged. Pufpuf rogoy ni ngad me’eleged, machane dabiyog ni ngad control niged e tin ni ra yib riy ko tomur. “Tini yibe mel’eg ko mangil e ra yib fel’ngin riy, gapas, nge yofas ni manemus riy ma tini yibe e mel’eg ko kireb e rayib e amith riy u gum’ircha nge loelgey riy.”²² Arogon ni yoeg Alma, “Dariy e fal’fal’aen ko tin tagan.”²³

Rayog ni ngan mo’onog, u lane fayleng nib gel e mom’aw riy. Gay rogon i rin’ e tin nib mangil e ra yib fel’ngin bangiyal’ riy. Yibe yoeg u lan fapi machib rok Somoel. Ra’ i kiriban’ Somoel ni fa’an ra ngad si’in fa ni fal’egin e yofas rok bee’ nge kireb rogon ya biney e rib kireb ko yalen Somoel. Dabiyog ni ngad blame niged bee’ mi gad yan ko kanawo’ nib thil ko motochiyal rok Got.

U lane tiney e ran, e rib moem ni ngan sap ko tin nib fla’ab ni woed e murwel fa bugi binen ko fayleng. Boch i gadad e ma patlin ko tin nib mangil ni ngan me’eleg ni bay e yofas nib ga’fan fab bay ni manemus. Rib t’uf ni ngad lakead President Russell M. Nelson’s ko tin ni be yoeg “Leam ni celestial.”²⁴

Rayog ni ngad me’eleged e tin ni rib ga’fan ni demturug e tin ni gad ba cheag ngay, fa rogon e nen ni rayog ni ngar rin’ed, fa mab ni yib e bing ngodad ko boch binen nib yo’or, fa murwel nge rogon e par rorad. Tay e tabinaw ni bin so’omon e rib ga’fan. Yib e yoeg nib fel’rogon u lan fare chep nib thothup. Mu tafney nag mormgaagem nibay ko 1 Nephi “e chuw ngam man nga wurul’ e binaew. Me digey e naʼun rokʼ, nge binaw ni ire tafen, nge gol rokʼ, nge silber rokʼ, nge pinʼen nib tʼuf rokʼ, ma dariy banʼen ni fek nge un ngakʼ, ma kemus ni chongin e tabinaew, nge ggan, nge pi tent rokʼ.”²⁴

Bo’or bugi binen ni ra buch ngodad napan ni gad be yan u fithik e yofas ko biney e fayleng, ni dabiyog ni ngad control niged. Woed e accident fa ma’ar ni ra buch roem. Woed a COVID-19 ni buch rok e yo’or ni demturug ko mang e ur rin’ed ngay. Machane tin nrib ga’fan ni gad be me’eleg, e rayog ni ngad control niged. Napan e mission rog, ma Elder Marion D. Hanks, mission president romaed, e yoeg ngo mad ni nggu tafineyed e poem ni yoloey i Ella Wheeler Wilcox:

Rayog ni ngad control nigged e yofas rodad ni demturug e tilew, murwel, machib nib thil, nge rogon mat’won e par rodad. Mich rodad nge tayfan ngak Got fare Chitamangdad nge Fak ni Pagal, Yesus Kristus, e mat’wondad ni ngad me’eleged.²⁷

Wenig mu nang fan ni dagur yoeg ni ni dab kun adag e skul fa murwel. Gube yoeg ni ra’i ga’fan mornga’agen e sikul fa murwel ngak Kristus fa tabinaw nib t’uf ni ngad ta’areb gad ngay, ma bo’or bugi binen sana ra buch nib gel kireban.

Bay ni kanoeg nib tomilang rogon ko fare machib Doctrine and Covenants 20 e weliy nib fel’rogon mab tomilang mornga’agen nib thothup. I fil ni fare tanom ko faskoyam’ e yib rok Yesus Kristus ni be runguy me be ayuweg e picha’an ni yad be fol rok ir Somoel rorad.²⁸ I fel’agin leak ngin ko fare Bayul Rok ni tay.

Athamgil gad ngad pininged boch e girdi’ nge un nga lan fare circle rodad ni ngad ta’areb gad u ta’abang. Fa’anra ngad lakead President Russell M. Nelson’s ni ngad kunuyed fapi garar i Israel ko gubin yang ko viel, ma rib t’uf ni ngad pininged e girdi’ ngad ta’areb gad u ta’abang. President Nelson e ba fal’ rogon ni yoeg: “U gubin yang ko nam nge buut u dakaen a daay, e gubin girdi’en Fare Galasia ku Yesus Kristus ni fan ko Gidii’en Got ko Tin Tomur-e Rran e kan mukun nga ta’abang. Thilthil rogon e yilaen, fa thin, fa gur be’ ni bpin fa mo’on, fa gini mub riy, fam ilal riy e ra’i m’ay fan ni bachane kad michegeg tafiney rodad ni ngad lakead fare kanawo’ ko ma’ag rok fare Somoel ni ra ba’adagdad.”²⁹

Gad ba ta’abang ko adag nge mich rodad ngak Yesus Kristus ni gadad pi fak Chitamangdad u Tharmiy ni ba adag dad. Tini thingari yan laniyan’dad ngay e ngad ta’areb niged dad ngak Kristus. Pi gam’ing ko tawfe nge sakrament ni kanoeg ulane Doctrine and Covenants 20, ta’abang gad ko ma’ag rodad e rib ga’fan ko murwel u temple ni rayog ni nge ayuwegdad ngad pired ni bay e gapas nge guman’ dad.

Gube yoeg ni rib mich u wan’ugngay ni Yesus Kristus e ba fos, ma bachane Bayul Rok, rayog ni ngad ta’areb gad ngak Kristus U dakean fithngan Yesus Kristus nib thothup, amen.