Fan Got e Ra Suleg’em nga Tabniaw

Gu ba’ag ni ngu weliy e magar ngomed ko pi meybil romed u nap’an ni gu be tabab nag e tathilyeg rogog ko fare pining, u dakean’ President Nelson, ni ngu pigpig ni gag e Apostle ku fare Somel i Yesus Kristus. Sana’ rayog ni ngam lem niged rogon ni gu be thamiy, ma re ngiyal’ ney e tayim ko thil nib gaa’ ma gube lem mornga’agen rogog. Arrogon, rib fel’, ni ngu pigpig ni fan fare Tathapeg, u lan e gubin rogon e pining, ma ngu ‘un ngomed ni ngu weliy fapi thin nib fel’ ko Gospel Rok’ ko athap.

Kuboech riy, ma kanoeg ni baey u tomuren gubin e Apostle nib nib bi’ech e chitaningin e ppin’ nib gin. Dagur nang ni fa’an riyul’ ni kanoeg, machan e sana’ rayong in nganoeg e chiney. Gu be lemnag ni arrogon ni keyim’ e chitinngin e ppin’ rog ma gathi ‘achigchig e gin rok’.

Ke yaen buch e pul’, ni nap’an nug warow e ppin rog ko yu reb e nam ni fan ko muruwel ko Galasia, mug ‘oed ni kab kakadabul mug sap nga palog ko winda ko hotel romow. Baey nga but’ nga dakean e wo’ ni ba’ yo’or e gidii’ riy, mug guy ni kan toey e roadblock ni kubay e polisman nib chuguer nga’ ni fan ni nge cheleg e karo u nap’an ni kar tawgaed ko re barrier nem. Ke m’on, me kemus ni buch’uw e karo ni yaen u dakean e kanawo’ min cheleg. Machan e ke yaen buchngiyal’ me yo’or e karrow ni ke yaen, me taw yo’or e karro.

Gu baey u lane windo nib tolang, mug guy nib falaflaen’ fare polisman ko mat’awon ni nge tileg e karo me chileg e gidii’ ngar ranoed. Arrogon, me yib e gelngin ko rogon ni ke yean, ni boed rogon ni susun ni nge chal’, u nap’an ni taw e karo ko barrier. Ra damomuw e bee’ u lane karo ko fare roadblock, me fare polisman e de pii’ ea ayuw fa thamiy nib ta’ab rogon. Kemus ni ke ruruug lolugen biyay nge biyay me miit nga palog rok’.

Pi fagar rog, pi gachalpean ni be yaen nga dakean e kanawo’ ko yafos u fayleng Tunom ku Chitimangdaed nib fel’ ya’an, ni tunom Rok’ ni rib “mangil”,¹ ni kan fel’eg rogon ko tabolngin e fayleng, e kan fel’eg rogon ni ngea sulegem nga tabinaw, dabi tilegem.² Dariy bee’ ni ke toey e roadblock nge pii’ bee’ ni nge chelegem ngam man nga palog riy. Arrogon, gathi ta’ab rogon. Dabi tal’ Got ni nge ayuwgenem. Ri “ba’adag ni ra mel’eg e bitir Rok’ ni ngar suloed Ngak’,”³ me guy gubin rogon ni nge sulwegem.

Chitimangdaed ni ba’adagdaed e ke powi’iy e Musun ko biney e fayleng ni fan ni ngan pii’ rogon ngodaed ni ngad ‘uned ko tin nu fayleng ni ma thilyeg ko mangil, ngad ngongoliyed e agency ku Got ni ngad mel’eged Ir,⁴ ngad fil gaed, ngad gaa’ gad, ngad mel’eged e denen, ngad t’ufeged Got nge bugul iyoror rodaed, ma bay borran ma gadaed ra suloed Ngak’.

Ke pii’ Fak’ nib t’uf Rok’ ko biney e fayleng ni nge paer u rogon e gidii’ nib polo’, ni nge paer ni’ir e rogon nib th’abi fel’ ni nge fol’ e bitir Rok’, ma nge Biyul nge Thapeg. Fare Tawa’ath ku Kristus ni th’abi fel’ e ma chuw nag gubin e roadblock ko yam’ ko dowef nge ya’el ni susun e nge palog nagdaed ko tabinaew rodaed nib manechubog.

Gubin ni mornga’agen e tunom rok’ Got ni fan ko pi bitir Rok’ e fan ni ngan sulweg gubin e gidii’ nga tabiniaew nu tharmiy.

Urogon ni ma pining e pi gidii’ ni ma machib, i pi Profet Rok’, e biney e tunom u lane chep nib thothup ko Sulyarmen? Yaed be pinning fare tunom ko biyul,⁵ fare tunom ko wurengan’uy⁶ fare tunom nib gaa’ ko falflaen’,⁷ nge fare tunom ko thap, ni arrogon ko gubin: “Dakean e racha’en Kemus nikan Gargeleg Rok’.”⁸

Fan ku tunom nib gaa’ ko falflaen’ ku Chitimangiy e fan ko falflaen’rom, ni baey ara’, nge chiney, nge dakean e manemus. Gathi fan ni nge tileg e falflaen’ rom nge buchegem ni ngam rus.

Fan ko tunom ko thap ku Chitimaniy e fan ko birom e biyul, ngan ayuwegem u dakean e amith nge yam’ ku Yesus Kristus,⁹ ngan chuwegemko denen nge yam’. Gathi fan ni ngan pagem ni arrogon.

Fan ku tunom ko wurengan’uy ku Chitimangiy e fan nin ngan pii’ wurengan’uy nap’an ni ngaed chelem Ngal’ ngam liyor nag ea m’ag romRok’. Gathi fan ni ngan tileg e wurengan’uy ngan pii’ e amith nge kirebaen’.

Fan ko tunom ko athap ku Chitimaniy e fan ko birom e thap nga lan e gil’il’ungun ko celestial ni nap’an ni ngam thapeg e “mich ku Yesus”¹⁰ ngam ‘oed nag e ya’el rom nib polo’ Ngak’.¹¹ Gathi fan ni ngan tilegem.

Be yip fan ni rayog ni ngad pired ni demitrug rogon? Ni Demitrug rogon ni ngad mel’eg ni ngad ngongoliy e agency rodaed? Ni rayog ni ngad mel’eged e motochiyel’ ni ngad folgaed riy? Danga’, gathi arrogon. Boed rogon ni kan yoloey u lan e fapi gospels, arrogon ni bin ni be pingindaed Yesus ni ngad rined u nap’an e machib Rok’ u dakean e fayleng e ngad thilgaed ngad kolgad ngandaed ngad baed Ngak’.¹² Ba gaa’ fan riy ulan e gubin e machib Rok’ ni ngan paer ko gin nib tolang rogon e yafos¹³ e yib e pining ni ngan thilyeg, ko mich ni ma thilyeg ku Kristus, ni ngan thilyeg e gum’ir’cha’ey.¹⁴

Ba adag Got ni ngan thilyeg e thin nib kireb ni gadad ba’adag, ngan chuweg e tin nu fayleng,¹⁵ ngad “dared, dab da denen gaed bayay.”¹⁶

Fa’an gadaed ra mich u wun’daed ko fan ko fare tunom ko fare Chitimangiy ni ra ayuwegdaed, ra biyuliydaed, nge pii’ e wurengan’uy, ma ra pii’ e falflaen’ ngodaed, ma mang e fan ko fare Fak nu dakean e biney e tunom nib fel’ e be yib?

Facha’ ni Fak’ ea be yoeg ngodaed: “Kug gub iyib nga but’ ko tharmiy, ni dabgu rrin’ e lanin’ug, machane gube rrin’ e laniyaen’ [Chitamangig,] ni ke pii’eg ngara’.”¹⁷

Fan Yesus e fan ku Chitimangiy ni rib fel’! Ba’adag ni nge yog nog ko gubin e bitir ku Chitimangiy ni ngar taw gaed ko tomurean e tunmon—ni fare yafos ni manechubog rorow. Dariy e yibe chuweg ko piney ni thothup.

Fa’an ga ra digow ni dab mu gaa’, fa fare t’uf ko fare Biyul ku Kristus ni dabimus e gathi fan ngom, ma dar mu nang fan. Manemus ea be yip’ fan ea manemus. Manemus ea ba fan ngom nge ku pi cha’ nib t’uf rom.¹⁸

Be Weliy Nephi e bin riyul’ ney nib fel’: “dariy ban’en nibe rin’ ni gathi fan ko fayleng; ya rib t’uf e fayleng rok’, ni pii’ e pogofan rok’ ni gomanga yog ni nge leak gubin e gidii’ ngak. Ere, ke chiyliy ngakʼ bog niiʼ ni dabi thapegraed.”¹⁹

Fare Tathapeg, fare Tachugol nib fel’, be yaen ni nge gay e saaf Rok’ nge mada’ ni ke pir’egraed.²⁰ Dabi “paag ni ra yim’ bagraed.”²¹

“Kug kʼiyeg paʼag nib sug ko murnguy ngomed, ni en ra yib ngog, e irechaʼ ni gura fek.”²²

“Bay e piʼin nib mʼar u fithikʼmed? Ma gimed fekraed iyib ngog e ngaray. Bay e piʼin nib mugutgut, fa malmit, fa yaf, fa bilis, fa daraw, fa piʼin ni ke ul ayraed, fa piʼin nib baling, fa piʼin ni demutrug e mʼar ni bay roraed? Mi gimed fekraed iyib e ngaray ngug gol nagraed, ya kug runguymed.”²³

De chuweg fare ppin‘ ni bay e mar ko racha’ rok’, De chew ko facha’ nib mar, De chuweg fare ppin’ ni ke par ko bee’ ni gathi mabgol, de chuweg e gidii’ kalngaen’, ni demitrug ko denen roraed. Ma dabi chuweg’med fa gidii’ nib t’uf romed ni nap’an ni gadad ra fek’ nga chugur ko gum’ir’cha’med nge ya’el romed. Gathi fan fa tunom Rok’, fa athap Rok’.

Danga’, Dar ma toey e roadblock fa barrier; Ma chuweg raed. Dar ma tilegmed; Ma piningem nga langin.²⁴ Machib Rok’ nib polo’ e ma micheg e fan Rok’ ni be fos.

Ma ku baey e biyul’ Rok’, nib mo’maw ni ngad nanged fan, ni boech ko rogon ni ngaed nanged fan. Machane, ma ba ga’ fan, gadaed ma nang fan, rayog ni ni ngad nanged, fan nib thothup ko biyul Rok’.

Fare veil ko fare temple e kan gochothiy ni l’agruw ni nap’an ni ke yim’ Yesus u dakean e Kuruth, ni ya’an riy e kanawo’ ni sul nga p’oewchen e Chitimangiy e kan gochothiy—fan ko gubin ni ra chel Ngak’, ra pag’aen Ngak’, ra tay e gafgow nga dakean, ra fek ea mat Rok’ nga dakean udakean e tha’ ko m’ag.²⁵

Lan e thin nib thil, tunom ku Chitimaniy e gathi mornga’agen e pi roadblock. Gathi arrogon, dabi arrogon. Baey e pin’en nib t’uf ni ngaed rin’ed, pi motochiyel’ nib t’uf ni ngaed folgaed riy, boech rogdaed ni thingarda thilyeged? Arragon. Machane dakean e wurengan’uy Rok’, e pin’en nib chugur ngodaed, ma gathi palog rodaed.

Ireray e thin nib fel’! Baey e magar rog nib gel’ ni fan e pi riyul’ ney. Tunom ku Chitimangiy, fan Rok’, athap Rok’, e nge gol nigem, ngan pii’ e gapas ngom, ngam sul nga tabinaw u tharmiy. Pin’ney e gube micheg u dakean fithngan Yesus Kristus, Fak Rok, amen.