E ngaara Itabera?

E bon taonaki n te kukurei Itabera n te aro are e a kuri ni kiba ngkae e nakonako ma tamana n te kawai n nakonako. E tabe tinana ni koomwiia irana ae roroo ao ni katikarake katikitikin kunnikain Itabera te mainaina ae mwarairai are e na bwaaina ibukin ana bwabetito. E tei itinanikun te ruu are a tataninga iai aomata.

“E kona temanna ni bwaina teuana mai ibuakon bwaai akekei?” e titirakina tamana, e kotokoto nakon katotoon ana Boki Moomon iaon te taibora ae uarereke.

“Eng.”Bon ibukiia aomata ake a tangiria riki ni kan ataa taekan ara ekaretia,” e taku Tamau.

E kaninganinga Itabera nakon nanon te ruu. E onrake irouia aomata ake e tangiriia. Tibuna te unaine, ai tinana, ai tamana, ao ai tarina, a tekateka ni kaan nako mooa, Raoraona ae te kabannea n tatangiria, Grace, e tekateka ma ana utu mai ibuki. Ma Itabera e aki noora Nei Perkins, ana tia reirei.

“Tia nako n rin,” E taku Tamau. “E a boo tain te bootaki ni waaki.”

“Ti kona n tataninga riki teuana te miniti ibukin Nei Perkins?”

Nei Perkins bon ana tia reirei Itabera ae rangin tatanngiria. E mamate nanona ni booki, ao aiaron naba Itabera.

“E rangin tamaroa iroum ngkai ko kaoa neienne, Itabera, ma e na bae n aki roko,” E taku Tamau ma te karaurau.

E ikenrawa Itabera ao ni katoutoua atuuna. E nakonako n rinnako n te ruu ma Tamana ao n tekateka mai moa. Imwaain te kaukuki n te anene n taromauri, e tanrikaaki Itabera bwa e na taraa ana tia reirei te kabanea n tai. E mena ikekei ma ana utu Grace! E moangare Itabera. Nei Perkins e moangare ni kaboa te moangare.

Imwiin ana bwabetito Itabera e tuangiia aomata ni kabane te bitiobi bwa a na ikotaki ni kabane ibukin te rawetamnei.

“E ngaara Itabera?” e titiraki.

A bane n taratara nako aomata. Akea Itabera!

E a mwananga Grace bwa e na kakaea raoraona. Te moan bwai e taratara te tabo n nakonako, ma akea Itabera ikekei. Ngkanne e a nako n noora te tabo n tataninga, ma akea naba Itabera ikekei. N te kabane, e a taraa tinaniku Grace ao e a noora Itabera n teitei iaon kaintamwaraken te auti ni bootaki n taetaenikawai nakon Nei Perkins.

“Ko rabwa n rokom nakon au bwabetito,” E taku Itabera.

“Ko butimwaeaki,” e taku Nei Perkins. “I karau taeka bwa N na riai ni moantaai n nako n te tai ae waekoa. Iai au boontaeka teuana n te bonga aei.”

“Akea te kanganga. Ma I tangiria n anganiko te bwai teuana.” E angan ana tia reire Itabera ana Boki Moomon are e anaia man te taibora n te ouweei. “I ataia bwa e mamate nanom n te wareware, ao e bon rangin tamaroa te boki aei.”

“Ko rabwa,” E taku Nei Perkins.

“Ko kona ni warekia?” E titiraki Itabera.

“E ang, I kona,” E taku Nei Perkins. “I berita.”

E namakina te kukurei Itabera. E moangare ngke e rairaki ao e noora Grace n tataningaia.

“Tera ae ko karaoia itinaniku ikekei?” E titiraki Grace. “Tinam e tangira te tamnei n te kurubu.”

“I nako n angan Nei Perkins ana Boki Moomon, e taku Itabera.

Aure tanganga matan Grace. “Ko maaku?”

“Teutana. Ma I bon maaku riki ngkana e a katikua ni kararoa mai iaon ana taibora n te tabo teuana. Ngaiare I a titirakinna ngkana e kona ni warekia.”

“Tera ae taekinna?” E titiraki Grace.

“E berita bwa e kona!”

“E rangin tamaroa!” E taku Grace.

Uoman ataeinnaine a kaaini kurubu irouia rao ao utu.

“I karabwarabwa bwa Grace e kuneko, Isabelle!” e taku te bitiobi. Ngkanne e bubutia aomata bwa a na ikotaki ni kabane ibukin te rawetamnei. E tei raoi Itabera i nuuka man te rinan mai moa.

Imwiina, ao e rara tinan Itabera bwa e na koonna. “Ngkai ko kona n uringnga am bong ni bwabetito n aki toki!” e taku.

E moangare Itabera. E ataia bwa ma ke ma akea te tamnei, e na bon aki kona ni mwaninga ana bong ni bwabetito ao ai kakukureira te namakin n riki bwa te mitinare.