2011
Rongorongon ao Aron Moantein te Bootaki n Aine
Tianuare 2011

Te Rongorongo ibukin Reirei n te Kaakawari

Rongorongon ao Aron Moantein te Bootaki n Aine

Kamatebwaia te reirei aei ao, ngkana e riai, maroroakinna ma aine aika ko kawariia. Kabonganai titiraki ni buokiko ni kakorakoraia am aine ao karaoa te Bootaki n Aine bwa tabem teuana inanon maium.

Tamnei
Relief Society seal

Onimaki • Utu • Buokaki

Eliza R.Snow e manga kauringa ana reirei te Burabeti Iotebwa Timiti ae kangai “e ngae ngke te ara ae [Bootaki n Aine] e bwainaki n taai aika mooten, kanoana bon kanoan taai ake ngkoa.”1

Tamara are i Karawa ao Natina, Iesu Kristo, a kawara Iotebwa Timiti ao, mai irouna, e kaokaki bwaninin te euangkerio nakon te aonaaba. Te Bootaki n Aine bon mwakoron kaokan bwaai. Babairean te Ekaretia e aki tabwanin ni karokoa a baireaki aroia aine.2

N namwakaina aika a na roko, ao Rongorongo ibukin te Kakawari n Reirei e na anganiira te tai n reiakina riki rongorongon te Bootaki n Aine ao kanoana n te euangkerio ae kaokaki. Ibukina aika mwaiti, ao ataakin rongorongora e aki ti kakaawaki ma e bongana.

Te moan, ataakin rongorongora e kaungaira bwa ngaira bon naati aine aika ti riki iroun te Atua. Man irakin aia katooto aine Aika Itiaki ni Boong Aika Kaitira, ao ti kona n reiakinna man taai ake a tia n nako bwa ti na kanga ni kaitaraa te tai ae na roko.3

Te kauoua, rongorongora ngkoa e reireiniira bwa reirei ake a bwainaki n te Ekaretia n taai akekei bon aan reirei n te bong aei. Te atatai aei ao te kantaninga—ni karikirakea te onimaki ao kororaoira bon iroura, e kakorakoraia utu ao mweenga, ao e buokiia naake a kainnanoia—korea tamnein te reitaki n ara tai n taai akekei ao ara tai n taai aikai.

Te katenua, ngkana ti kawakin raoi rongorongora, ti kona n tibwaua raoi rikira n tamnei. Beretitenti Henry B. Eyring, te Moan Kauntira n te Moan Beretitentii, e taekinna: “Ko bwatina te riki n am tai ni buokiia tabeman ni karekea te bwaintuaraoi te tangira ae kororaoi … Rongorongon ngkoa te Bootaki n Aine a karinaki taekaia inanon taeka ao nambwa, ma te riki e reitinako n te nano nakon te nano.”4

N tokina, ataakin rongorongora e buokiira ni karikiira bwa kaain te Bootaki n Aine ae kakaonimaki. nakon taai aika ana roko. Beretitenti Spencer W. Kimball (1895–1985) e kabwarabwara, “Ti ataia bwa aine aika iai nanoia ni kakaitau ibukin taai ake a tia n nako man tabeaianga ibukin kaetakin kanoan taai aika ana roko.”5

Julie B. Beck, te Beretitenti ni Kabuta n Aia Bootaki Aine

Man Koroboki Aika A Tabu

Etita 9:28–29; I-Rom 16:1–2; Aramwa 37:8; Moronaai 7:45–47

Man Ara Rongorongo ni Kawai

“Te Bootaki n Aine bon ana bootaki te Uea ibukiia aine.”6 N nakoana ae te burabeti, Iotebwa Timiti e bairea te Bootaki n Aine ni Maati 17, 1842. Te kurubu ae uarereke, ae kaokoro n te moan bowi arei bon aine aika e korakora nanoia, ti tebo ma ainen te Bootaki n Aine n te bong aei. “Te kabanea ni uarereke bon teniman ataeinnaine, ao te kabanea n ikawai, te aine n ana kanimabwi. Tengaun ma temanna ibuakoia aine ae a tia ni iein, uoman bon aine aika akea buuia, onoman aika a tuai iein, ao are temanna e aki ataaki bwa e a tia ni iein ke e tuai. Aia reirei ao aroaroia a rangin ni kaokoro, n aron aroia ni kaubwaia. Kakaokoroia e na kakorakoraia n te tai ae bati ngkana a teimatoa n rikirake kaaina, ma ngaia ao ana teimatoa ni kaainna.”7

Bwaai aika a na taraaki

  1. Eliza R. Snow, “Female Bootaki n Aine,” Deseret News, Eberi. 22, 1868, 81.

  2. Tara Teachings of the Presidents of the Church: Iotebwa Timiti (2007), 451.

  3. Tara L. Tom Perry, “The Past Way of Facing the Future,” Riaona, Nobembwa 2009, 73–76.

  4. Henry B. Eyring, “The Enduring Legacy of Relief Society,” Riaona, Nobembwa 2009, 124–25.

  5. Spencer W. Kimball, “Privileges and Responsibilities of Sisters,” Ensign, Nobembwa 1978, 104.

  6. Spencer W. Kimball, “Bootaki n Aine—Its Promise and Potential,” Ensign, Maati 1976, 4.

  7. Jill Mulvay Derr, Janath Russell Cannon, and Maureen Ursenbach Beecher, Women of Covenant (1992), 28.

Te Bootaki n Aine n Nauvoo, iroun Walter Rane, ana mwamwannano te Church History Museum