Bwatika nakon Taai aika a na Roko

A mwaiti kairake n ataenimwaane aika katauraoi n nako ni mitinare. I Africa mwakoron te katauraoi anne bon karekean te mwane ae tau ibukin te bwatibooti. Sedrick Tshiambine e karekea are e kainnanoia n te kawai ni karekemwane: man kabonakoan bwanana mai akuun te bwatika.

Sedrick e maeka i Luputa, Tautaeka ae Inaomata i Congo. Ngaia temanna mai ibuakoia 45 kairake n ataenimwane n te mwakoro ae Luputa are e mwakuri ni kawakina ana mwane ibukin ana bwatibooti bwa e na nako ni mitinare. I DR Congo boon te bwaatibooti bon $250, are bon uoua te katenimwakoro ni katean te auti.

Ma Sedrick e aki maaku. E karekea ana mwane ni mitinare man bwatikana 15–30 te kiromiita(9–19 te maire) mai Luputa nakon kaawa aika a uarereke, ike e kabonakoi iai bwanana, imwiina e bwatika n oki rinuukan te rereua ae kabuebue i Aberika, ana bwatika e tinebu uotana uanikai ake e kabonakoi n te kaawa ae bubura. Ni katoa wiiki e mwananga n te raroa ae 180 te kiromiita (112 maire) iaon te kawai ae riburibu, ao bon tii teuana te tai are e aki baeranti iai uotana are e karika te bwaka.

Ibukin ana mwakuri Sedrick e karekea tao $1.25 n te wiiki, ke $65.00 n te ririki. E karekea inanon aua te ririki ni kawakin mwane ana bwatibooti, ma ngkai e a ata arona n taai aika a na roko are e airi ma ana mition ae bwanin taina ibukina bwa ea tauraoi arona n te mwane ni kaeka te wewete n nako ni mitinare.