I KONA ni Kitana Tibutoru Te Unaine?

Ngke e a koro 21 au ririki, I tangiria ni kan karaoa au mwakuri ni mitinare. Tibutoru teunaine, Margarita Sippo de Lallana, e boutoka au babaire e ngae ngke nanona bwa e na tiku n ti ngaia. E a tia ni kaikawaai ngke I moan uarereke, ao I rangi n tabeaianga ibukina bwa antai ae e na tararuaia ngkana I a karaoa au beku.

Tia kaman bwabetitoaki n 1978, ngke I a tokara au 11n ririki ao tibutoru-teunaine ai bon 73 ana ririki. Imwiina ao tia katoka mwamwanangara nakon ara bobootaki, ma tarira ma mwanera man te Ekaretia aika a tabeaianga a roko ni kakaeira.

I a manga moanna ni kakaonimaki, ao membwa n te uoote a rangi n ingainga nakon katabuau. E nang reke ara riikan!” a taetae ma te kukurei. N te tai anne ao bon akea kaain te Nakoanibonga ae te Aaron n ara uoote. I a riki bwa te beretitenti ibukin te riikan n te kooram ibukina ngkai akea riki te riikan. I mimi ngkai a anganai te aekaki n nakoa aei, ma I a matata riki bwa taan kairiri n te uoote a kataneiaai n taben te nakoanibonga. Ao n tokina, I a kataia ni kakaonimaki.

Tibu teunaine, e ngae n anne, e teimatoa n aki roroko n taromauri, e kaei bootaki tii n tabetai. Ma e boutokaa au babaire ni karaoa au beku ibukina ngkai e a taia inanona bwa e koaua te euangkerio.

Ngke I a nikirii au beeba ni mitinare n 1990, angiina mitinare aika a bwanin aia tai a weteaki mai Córdoba a beku n te mition i Argentina Buenos Aires Meang ke Maiaki Mitioni. I kakoaua raoi bwa N na weteaki nakon teuana maibuakon uoua mition aikanne ao n aki rangin raroa nako mairoun tibutoru teunaine.

Imwiina, ngke e a weteai au beretitenti n te titeiki, e tuangai bwa I kainnanoa au bwatibooti ibukina ngkai N na manga nako Colombia! N aki warekii tabeaiangau, e kaungaai tibutoru te unaine bwa N na nako. Imwaain mwanangau, e berita bwa e nanga okira te taromauri te Taabati are imwiina ao n nako n te tembora imwaain ae I oki. E bon kanganga kakoauakin aei ma e bebete nakoiu ngkai n na mang kitanna.

Ngke I a tokara au mition, e karaoa raoi are e a tia ni berita ibukina. E ngae ngke e a roko n ana ka 80 tabun n ririki, e aki ti kaei ana bobootaki ni kabane ma e bon roko naba iaon te tai. Ao e katauraoi ao e nako n te Tembora i Buenos Aires Argentina.

Imwiin te 12-te aoa, bwaati ni kabane ibukin te tairiki a oki ma te moan mwananga anne nakon te tembora, tibutoru teunaine e kawara ara autinibootaki n ara uoote ni moaningabongin te Taabati n 8:30, teutana imwaain moanakin bootakin te Ekaretia. Ara beretitenti n te titeiki, Rúben Spitale, e tuangnga, “Kariaia bwa N na nikiriko ni mweengam bwa ko aonga ni motirawa.”

“I aki,” e kaeka. “N na nako n taromauri.” Ao e boni karaoia.

Imwiin okiu man au mition, ti nako ni kabane ni kaea te tembora teniua te tai imwaain ae toki maiuna inanon 2000. Ibukin au mition, tia uaia ni kakabwaiaaki. Ngke arona bwa I tiku ni mweengau, I kakoaua raoi bwa a na akea maibuakon kakabwaia aikai aika a na kona ni kaoti.