Tariu iai ana kanganga ni motikia ngkana e koaua te Ekaretia. N na kanga ni buokia?

Anga am boutoka nakoina; e kainanoa namakinan te tangira—tiaki te rawawata—man ana utu. Iangoa titirakinana bwa tera tabeaiangana ao nanououana. Anganna bwa e na kababanea n tuangko tabeaiangana imwaain ae ko kaekaa. Tao tabeaiangana a irekereke ma aomata ke boni ibukina, nakon ae e boto iaon ana onimaki. Ko kona n aki kona ni kaekai ana titiraki aika e kakaei, ma ko kona ni karaua nanona bwa ana bon reke kaekaia.

Butiia be e na tataro ma ngkoe ibukin nanokokorakina ao kaunga bwa e na tataro naba ibon irouna ibukin bwaai aikanne. Ko na ata te koaua are tabeman a waeremwe ni karekei kaeka nakoia tabeman, aimoararariki ngkana a kainnaoia n iangoi bwaai ibon irouia. Ko kona ni warekia ma ngaia taekan te tataro ao karekean te koaua man Aramwa 32, 3 Nibwaai 17, ke Moronaai 10. Ko kona naba, ni kaunga n taetae ma am utu, ma am bitiobi ke te beretitenti n te mwaanga, ke tabeman membwa aika kakaonimaki n te Ekaretia ake a tia n rinanon aekakin tabeaianga aika titebo ma ngaia.

Ni kairakim, kaota am koaua nakoina. Kaongoa am namakin ibukin te euangkerio.

Te Kabanea ma tiaki n ae aki kakaawaki, uringa bwa bon te Tamnei are kaota te koaua. Ni karekean te koaua ke atakina bwa e a tia ni karekea teuana, tarim e na riai t n reiakina atakin te Tamnei are Raoiroi. Aio e kona n abwabwaki taina, ma e aki kona ni kairoroaki. Ko kona n tuanga koaua n tainako, ma inanon ti te itoman ma te Tamnei bwa e na karekea te koaua.

Tataro ibukina ao kaungaa, boutokaia ao ongora irouna, ma uringa bwa e inaomata n rinerine. E na rinerine n te aro ae moan te wanawana man irakin ana kairi te Tamnei.