Vosa ena Vosa
2 Timoci 3:16–17
E vakavuvulitaka na iApositolo o Paula na ivakarau e vakalougatataka kina na noda bula na ivolanikalou.
16 Sai koya na Kalou sa vakavuna na iVolatabu kecega, a sa yaga oqo me ivakavuvuli, me vunauca na ca, me ia kina na vakadodonutaki, me ia kina na vakatavuvuli ena ka e dodonu:
17 Me yaco kina na tamata ni Kalou me vakarau tu, ni sa vakarautaki ki na ivalavala ni bula kecega.
Na iVolanikalou Kecega
“Ni da via vosa vua na Kalou, eda na masu. Ni da vinakata me vosa mai vei keda o Koya, eda na vakasaqaqara ena ivolanikalou; ni ra dau tukuna na Nona vosa na Nona parofita. Ena qai vakavulici keda o Koya ni da vakarogoca na veivakauqeti ni Yalo Tabu.
“Kevaka o se bera ni rogoca na Domona ni vosa vei iko ena dua na gauna lekaleka sa oti oqo, lesu tale ki na ivolanikalou ena mata kei na daliga vou. Oqori na noda ivakaukauwa vakayalo.”
Elder Robert D. Hales ena Kuoramu ni iApositolo Le Tinikarua, “Na iVolanikalou Tabu: Na Kaukauwa ni Kalou ki na Noda Vakabulai,” Liaona, Nove. 2006, 24–27.
iVunau
“Na ivunau dina, ni kilai, ena veisautaka na itovo kei na ivakarau ni rai. Na vulici ni ivunau ni kosipeli ena vakavinakataka vakatotolo cake na itovo mai na kena vakavinakataka na itovo na vulici ni itovo.”
Peresitedi Boyd K. Packer, Peresitedi ni Kuoramu ni iApositolo Le Tinikarua, “Kakua ni Rere,” Liaona, Me 2004, 79.
Veivakadodonutaki
Na veivosataki-vakadodonu—veivosataki-vakaukauwa, veivakavulici, cudruvi, se veivakadodonutaki me dau vakayacori ena ivalavala malua.
Vakadodonutaki
Na vosa Vakiriki taumada e vakayagataki ena iVolatabu e kena ibalebale “me vakadodonutaki tale.” Ena vukei keda na ivolanikalou me donu tiko na noda ilakolako ena sala dodonu ka rabailailai (raica na 2 Nifai 9:41).
Vakaiyayataki
Vakaiyaya ni lomanivale—vakaiyaya ni cakacaka, vakaiyaya ni valenivolavola.
Caka Vinaka
Na caka vinaka cava beka e vukei iko kina na ivolanikalou mo vakarau ni cakava? Oqo e vica vei ira na kena e kilai levu. E rawa ni o nanuma beka eso tale? Vola ena nomu ivolaniveisiga.
-
Veiqaravi vakadaukaulotu tudei
-
Qarava vinaka na veikacivi vakalotu (me vaka na mataveiliutaki ni kuoramu kei na kalasi)
-
Vakavulica na Kosipeli
-
Wasei ni iVakadinadina
-
Wasei ni kosipeli
-
Sauma na nodra taro na itokani me baleta na Lotu
Droini mai vei Paul Mann © 2002 IRI