I le Ogatotonu o Au Sauniuniga mo se Misiona

Ua tau atu e Peresitene Uchtdorf i faifeautalai e mafaufau o loo latou i ai i le ogatotonu o a latou misiona. E mafai foi ona e faaaogaina lenei manatu i au tapenaga mo se misiona: pe ua 12 pe 18 ou tausaga, e mafai ona e sauni e auauna atu i se misiona.

O a ni mea e mafai ona e faia “i le ogatotonu” o au sauniuniga o sau misiona?

• Ia agavaa i taimi uma e auai i le malumalu.

• Aoao ia iloa ia musumusuga mai le Agaga Paia e ala i le tusitusi i lalo o au musumusuga ma galue i ai.

• Tatalo mo faifeautalai.

• Fesili i faifeautalai i lou eria po o a mea latou te fautuaina oe e fai e saunia ai e ave se misiona.

• Aoao e pulea ma le tatau ou taimi, e aofia ai gaoioiga taua e pei o le auauna atu, suesue i tusitusiga paia, ma le tusia o se api o talaaga.

• Pe a talanoa atu i se tagata o le aiga, faasoa atu se mau na musuia ai oe talu ai nei. Faamatala atu sou manatu e uiga i le mau.

• Fesili i au uo e uiga i a latou lotu ma mea latou te talitonu i ai. Ia saunia e faasoa atu ou talitonuga. Valaaulia i latou i le lotu po o ni gaoioiga.

A e iloa o e i ai i le ogatotonu o au sauniuniga o lau misiona, o le a mafai ona e ola i se olaga e sili ona agavaa mo le faamoemoega a le Alii ma le mafutaga a le Agaga.