O Tesema ua tuanai sa ou lagona ai le le fiafia ma sa ou le fia teuina lo’u fale pe faamanatuina le Kerisimasi. Ona ou faitau lea i se tusiga ia Tesema 2011 o le Liahona lea na faamatala ai le auala na faamanatuina ai e le au paionia le Kerisimasi: sa sisiva i se fati na mapumapuina ona e le’i i ai ni a latou mea faifaili—e ui i le leai o ni meaalofa ma e le’i tele ni meaai (tagai i le “Kerisimasi mo Paionia Anamua” i le “O Mea Laiti ma Faatauvaa,” 9). Sa fesoasoani lena tusiga ia te au e suia ai ou uiga ma ia maua le alofa. O nisi taimi tatou te le iloaina ai pe faatauaina ai mea uma ua tatou mauaina.

Faafetai tele mo le lomiga o Ianuari 2012. Sa ma maua ma lo’u toalua se aafiaga matagofie i le faitauina o se tusiga a Adam C. Olson, “Toe Mauaina o se Mea Ofoofogia o le Lalolagi … ma le aloese i le Matautia o le Musuā Faaleagaga,” (tagai i le itulau 20). Sa fesoasoani ia i maua ina ia iloa le manaomia pea o lo tatou sailia o le Atua i aso uma o o tatou olaga. Ou te iloa o savali i le mekasini ua musuia aua o le tele lava ua oo mai i lo’u olaga pe a ou manaomiaina tele.