Ibukiia Ataei Aika A Uarereke
Te Mwananga n te Rereua
Nibwaai e maeka ma ana utu i Ierutarem. Ana karo, ae Riaai, bon te burabeti. Tinana bon Tiera. Tarina aika Reimwan, Remuera, ao Taam.
Taman Nibwaai e tataro. Te Tama are i Karawa e tuangnga bwa ana utu a riai n kitana te kaawa bwa aonga ni mano. E rang kangaanga bwa a na kitana mweengaia. Ma ana utu Nibwaai a ongeaba.
Ana utu Nibwaai a nako n te rereua. Imwiina te Tama are i Karawa e taku nakon Nibwaai ao tarina a kainnanoaki n oki nakon te kaawa n anai booki aika tabu. E rang kangaanga karaoana. Ma Nibwaai bon te banna ni katooto ngke tarina a rawa n ongotaeka. E taku bwa e na karaoa te bwai ae tuangaki iroun te Tama are i Karawa.
Te Tama are i Karawa e anga te kambwati ae onoti nakon ana utu Nibwaai E aranaki bwa te Riaona. Ngkana a ongeaba ana utu Nibwaai nakon te Tama are i Karawa, e na kaota kawaia inanon te rereua. E na bon kaota te kawai nakon Nibwaai ni kakaea kanaia ana utu.
Ti kona n riki n aron Nibwaai ngkana ti ongeaba nakon tuua ao n ririmwin te Tama i Karawa!