Rongorongo ni Kakawari n Reirei
Te Utu: Te Katanoata nakon te Aonaaba
Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. A kanga n oota n reirein te utu ni kakabwaiaaki koraki ake ko tararuaiia rinanon te reirei ni kakawari? Ibukin rongorongona riki tabeua, nakon reliefsociety.lds.org.
Onimaki, Utu, Buoka
Ana bowi n kabuta te Bootaki n aine n 1995, ngke Beretitenti Gordon B. Hinckley (1910–2008) e moan wareka “Te Utu: Te Katanoata nakon te Aonaaba,” Bonnie L. Oscarson, beretitenti ni kabuta n te Bootaki n Ataeinaine, e taku: “Ti rang kakaitau ibukin ao bonganan te kamataata, bebeten, ao koauan aron te mwakuri aei. … Te katanoata iaon te utu e a tia n riki bwa ara taakete ibukin taraakin aroaron ara koaua n maiura n te aonaaba, ao I kakoaua bwa reirei a waaki nako … ake a bon koaua n te bong aei ai aron are ngke ti moan anganaki mairouia ana burabeti te Atua tao 20 te ririki n nako.”1
“Man te katanoata ibukin te utu,” reitia Carole M. Stephens, te moan kauntira n te beretitentii ni kabuta n te Bootaki n Aine, “ti reiakina, ‘N te aba n tamnei, naati mwaane ma aine n tamnei a kinaa ao a taromauriia te Atua bwa te Tama ae akea Tokina’2 …
“… Ngaira n tatabemaniira nako ti kainnanoaki inanon ana utu te Atua.”3
Ti maeka inanon te tai ngke kaaro a riai ni kawakina mweengaia ao aia utu. “Te Utu: Te Katanoata nakon te Aonaaba” e kona ni kawakiniira.
Rakan riki Booki aika Tabu
Karakinaia Aomata Ngkai
“Lee Mei Chen Ho man te Tao Yuan Kateniua ni Uoote, Tao Yuan Taiwan Stake, e taku te katanoata e a tia n buokiia ana utu n reitaki n ibuobuoki ni karikirakea aroia n itiaki n aron te onimaki, taotaonakinnano, ao te tangira. ‘Ngke I kataia ni karikirakeai ni kaineti ma te katanoata, I kona n namakina te taneiai ni kukurei ae koaua,’ e taku neiei.”4
Barbara Thompson, e bon mena ikekei ngke e warekaki te katanoata n te moan tai ao imwina e beku bwa te kauntira n te beretitentii ni kabuta n te Bootaki n aine, e taku: “Iangoia nte tai ae kimototo bwa [te katanoata n utu] e aki rang ni irekereke nakoiu ngkai I bon tuai ni iein ao akea natiu Ma n ae taraa ni waekoa I iangoaia, Ma e kaineti nakoiu. Ngai bon kain te utu. Ngai te nati te aine, te tari te aine, ai te tina, ai te tari, ai te nati te aine, ao te tibu te aine … E ngae ngke ai bon ti ngai te nikira man au utu, Ngai I teimatoa n riki bwa ana utu te Atua.”5