Ni Karokoa Ae Ti A Manga Kaitiboaki
Kaikonakan te Owl Express
Man “Kaikonaki aika Teniua—The Unwise Bee, the Owl Express, ao Two Lamps,” Riaona, Beberuare 2003, 36–41.
I iangoi nanon ana taeka te intinia ae baareka, ae on ni memean te oera.
Tamnei © Hemera/Thinkstock, iStock/Thinkstock
Ngke I reirei n te kaoreti, Ngai temanna mai ibuakoia ataein te reirei ake a na karaoa aia mwakuri ni kataneiai i tinaniku n aron iteran kabwarabwaran ara kooti iaon kamatebwaian bwain aonteaba man atibu. …
Te mwakuri ae riai karaona e anaa ara bong aika mwaiti ni kararoira man te kaawa. … Aron te tai are e koteaki nakon te kakae e a uakaan n roko, ti a manga taonaki n te angibuaka, n rimwiaki n te tinoo ae korakora—e aki nonoraki ao e aki kantaningaki, ma are, e ngae n anne, e korakora ingaingara ngaia e a uotiira n te kangaanga bwa a bae kawaira n te tinoo n te naan tabuki. Te angibuaka e roko ni korakorana ngke ti ruorikaaki n abwakin ao rabeen iteran te maunga tabeua te maire man ana tabo n toki te turein are ti na kantaningaia n anaa [te] turein n te tairiki anne n okira mweengara. Ma korakoran ara kekeiaki ti roko n te titeition ni bwakanakon te tai n te tairiki ma korakoran te buaka. …
… Te turein are ti rang ni kakariaria ao n tataninga ni kakantaning bon te Owl Express—te turein ae butimwaaka n te tairiki n tomaaki ma kaawa aika bubura. …
Imwiin te nukanibong e a roko te turein n tain rikin te ukeukennati ao te tinoo ae kakamaku. I mena i akuun toau ngke a waekoa n tamwarakea te turein, I tabetabe iroun te intiniia, n tain te toki ae uarereke, ngke ana tia ibuobuoki e karaoa te onoran, ni mwakuri ni katawe n te intin, e oeran bwain te intin tabeua, kakoaan bwaina tabeua, ao karaoan bonobonon te intiin. I kataia n taetae nakoina, ma e taraa n tabetabe I titirakinna e kanga ana namakin n taraan te tairiki—buakana, kaokorona, ao kakamakuna, ngke korakoran te urubwai e a taraa ni bao nako, raroan ara tabo ao arora n aki rau, ngke e a manga kare te angibuka ni karongoaa ao ngke e roko kakamakun te kangaanga man taabo nako. …
Ana kaeka bon reiakinana are I aki kona ni mwanuokinna. N rootakina e taku, e ngae ngke ti kabureaki inanon te aobuaka ao te aki rau: “Taraa tauran moan te intiin. Te taura arei e aki kaotaa te kawai tebubua te iaati [90 m] ke raka riki? Tamaroa, te bwai ae I kataia ni karaoia N na kamanoa te tebubua te iaati te kawai ake a ura tauraia. Are I kona n nooria, ao ibukin te raroa arei I atai kawai ake a mwaawa ao a mano. … Tauran te intiin e teimatoa n ootanako n rimoau!”
Ngke e rinnako ni nnena inanon te kaa, I waekoa n rin n ana tabo te bwatintia ao n bwaka n tekateka iaon te kaintekateka ae kuutin, n te kakukurei ae kamwengaraoi ao n rau, n anga te kabotau ae bati nakon kamwengabuakan te tairiki i tinaniku, I iangoi raoi ana taeka te intiinia are oon n te bareka, ni memean te oera. A bon onrake n te onimaki—te onimaki are e kakoroi bukin bwaai aika korakora, te onimaki are e anga te ungannano ao te nanomwaaka. …
Ti bon aki ataia bwa baikara aika a na riki ibukira n ririki aika imwaira, ke n aron waekoan boong ke aoa ake a na waekoa n roko imwiina. Ma ibukin tabeua te miita, ke koauana e a uarereke, te kawai e itiaki, ara beku e bebete, kawaira e kaotaaki. Ibukin kimototon raroana, ibukin te mwaneka are imwiina, e kaotaaki man ana kairi te Atua, waakinna nako!