Mwakuri ake A Karekea te Kakukurei

Beretitenti Eyring e reirei bwa “Te kukurei ae ti tangiria ibukiia aika ti tangiriia e kaineti ma aia rinerine.”

Ko kona n wareka taekan bwaai ake ana rota ara rinerine e kona n reke man ana katooto Nibwaai, Reimwan, ao Remuera. Reiman ao Remuera a ngurengure ao a rawa n kawakin tuua (taraa 1 Nibwaai 2:12). N aron taekana, ngaiia ao kanoaia a kamaraiaaki ao a teweaki nako mai matan te Uea (taraa 2 Nibwaai 5:20–24). Nibwaai e rineia n ongeaba nakon tuua (taraa 1 Nibwaai 3:7), ao ibukin anne, ngaia ao ana aomata “a maiuakina te kukurei” (2 Nibwaai 5:27).

Ko kona n rineia bwa ko na etieti ao ko na kukurei. Ma aomata akana otabwaniniko ana bon teimatoa n kairaki nakon te rawawata ke te mweebuaka. Ngkai babaire akanne a na bon karaoia, bannam e na kona ni bita aia rinerine nakon te tamaroa. E na kanga am rinerine ni uota te kakukurei nakoia tabeman? Maroroakinna ma am utu kawai aika a kakaokoro aika ko kona n anai nanoia kaain rarikim ao ni buokiia n namakina te kukurei.