Tamnei

Illustration of a Young Women medallion.

Ieta n te maing ao atai: kamatata n te korotamnei iroun David Malan

I rang ni kukurei n karekean mwaeu ni Kinakiu bwa te Kairake n Ataeinaine. I kamoamoa n taekinna bwa I kawakina tamaroau ao itiakiu ni katokaa mwaeu ma te kamoamoa. Ai antai ae kona ni kunea te aine ae riai? Bwa e bati riki boona nakoni moomi (Taeka n Rabakau 31:10).

Te Botaki n Ataeinaine e kakukurei. E buoka rikirakeiaataeinaine ao ni katauraoia ibukin te mare n te tembora ae tabu. I kakaitau nakon Tamau are i Karawa ibukin te botaki aio. Man ni karekean mwaeu, I a tia n katiaa teuana te kouru ae I kateia ibukin maiu, ao I ataia bwa I kona n reitinako riki n karaoa ae tamaroa n ana mwakuri te Uea.

Tamnei

artwork by a young woman for a Personal Progress award

Man ana ibuobuoki tinau ao tariu ae ikawai, I beniia te baena aio ibukin aia takakaro ni kaboo kaain te Botakin n Aine ae karaoaki n ara titeiki. Tinau e uotairake nakon te beretitenti n te Bootaki n Aine, are e tuangai bwa n na karaoa aia baena ibukiia. I kariaia aia bubuti ao I moanna au koro tamnei. Rinanon te reitaki n korakoraia au utu ao ngai, ti karioa te mwakuri ae tamaroa are e tei ibukin te botoniango, “Karekea te Karineaki ae kinaaki inanon te Nakoa n Tina ao te Kimwareirei n Rikim n Aine.”

I ataia bwa ngkana ti kamanenai ara tarena ni buokiia aomata tabeman, ti aki tii anganiia te kukurei ma ti karikirakea naba oin ara konabwai. Te Uea e kakabwaiaia naake a kamanenai bwaintangira Mairouna ni kateaAbanueana. Ai aron reirei iaon kaikonakan tarena, ngkana ti aki tibwauai ara bwaintangira ma tabeman, ti na kabuai bwaintangira akanne (taraa Mataio 25:24–29). Ma ngkana ti kamanenai ara tarena n ae raoiroi, ti kona n karaoa te aonaaba bwa te tabo ae tamaroa.

Kakaonimaki n roroko n katabetabe Kakoroa Au Beku nakon te Atua e kainanoa nanom ni kabane, aanga, korakoram, ao iaon bwaai n kabane, onimaki. Te Beku nakon te Atua e kairaki n koaua.

Ngkai te kairake n ataeinimwaane, ko kona n reiakin bwaai aika kamimi are ko kona ni karaoi rinanon maium man katiaan kouru n Beku nakon te Atua: tamnei, rabwata ae mamate, marurungira, ao a mwaiti riki.

I kona n taekinna bwa e uaana te mwakuri ni kabanea am tai ni kakoroi nanon kouru aikai. I a tia n reiakinna n riki bwa te mwaane ae tamaroa, I karikirakea au koaua n ana euangkerio Iesu Kristo, ao I tia ni katauraoiai raoi ni karekea te nakoanibonga ae te merekitereka. E karaunano ataakina bwa I kona n riki bwa te banna n katooto nakoia kanoau nakon taai aika ana roko ibukina bwa I a tia ni kakoroa nanon te kouru ae kakukurei, ao ni kakawaki aei.

Tamnei

illustration of missionaries studying

Ieta n te maing ao atai: kamatata n te korotamnei iroun David Malan

Ngke I ataeinimwaane, I a kaman kakaantaninga te bong are N na karaoa au mwakuri ni mitinare ae bwanin taina. Ngke I a roko n te tabo ni mitinare, I kunea te mwakuri n mitinare bwa tiaki aron are I kantaningaia—e bon tamaroa riki. E matoa n aron are I iangoia, ma te karaunano are roko man karaoan bwa tera tuangakiu iroun te Uea e bon aki kona ni kabwarabwaraaki.

I tuai n karekea te taneiai mai mwaina ni kukurei ni buoka temanna n rokona n taromauri. I tuai mai mwaina ni karekea namakinan kukurei n ongo temanna n taekinna, “E koaua, kaaraki rin” bwa a aonga n ongorakina te euangkerio. I tuai mai mwaina ni kinaa te koaua n te mwaaka are roko ngke ti kamatoa te rairannano. I tuai mai mwaina n tataro ma te nano ae koaua. I tuai mai mwaina ni karekea te aoa ni kamatebwaia booki aika tabu ni waekoia n taonnako. I tuai mai mwaina n karekei ranimatau man namakinan au aki kororaoi. I tuai mai mwaina ni karekea te taneiai n aki nakoraoin te taeka, “Unimwaane, taiaoka tai manga oki n roko n au auti.” I tuai ma mwaina ni karekea te tibu n tabon waeu ai aron buburan bubuanibwaiu. I tuai ma mwaina I namakina te kaawakinaki. I tuai ma mwaina ni karekea te namakin ae bati n katabeau n au mwkauri ibukina bwa I uouota aran “Iesu Kristo” iaon babaau.

I tuai ma mwaina ni karekea kaaniau riki nakon Tamau are i Karawa n aron are ngke I mwakuri bwa te mitinare ae bwanin ana tai.