Wareware Raoi ni Katoa Bong
E maeka te tia koro karaki i Utah, USA, ao Bolivia.
Iotebwa e raira baan ana boki. E mata n un, Ai bon tii uoua riki baana riki n nako.
“Akea am kangaanga?” E kaeka Mama.
“I tangiria ni warekia,” e taku Iotebwa. “Ma I rangi ni waeremwe. N na kanga ni kona n reiakina tamaroan au wareware?”
“Iai au iango,” e taku Mama. “Wareka te mwakoro n Ana Boki Moomon ni katoa bong. E na buokiko n reiakina tamaroan am wareware.”
Iotebwa e kataia. N te moan e anaa te tai ae maan. E na katanga te taeka ae anaanau. Ma e waaki ni wareware ni katoa bong. N te tai ae waekoa e a kona ni karakaa riki warekan mwakoro.
E nako uoua te wiiki. Ana kanika Iotebwa imwiin warewarena e mwaing man 1 Nibwaai nakon 2 Nibwaai. Imwiina e roko n ana boki Iakobwa!
Teuana te tairiki bon ana tai Iotebwa n anga ana reirei n te kai n utu.
“I ataia tera ae N na karaoia!” E iango Joseph. E kunea te Karaki n Ana Boki Moomon boki. Iai taeka ao tamnei. E raira baana ni karokoa e kunea te karaki ae nakoraoi.
Iotebwa e wareka te karaki nakoia ana utu. E wareki taeka aika kimototo, n aron te kaibuke. E wareki taeka aika abwaabwaki, n aron tuangaki. Burabeti a koroi taeka aikai n taai ake ngkoa. E bebeete taekana ni warekaia.
Ngke e a bane te karaki, a ranran matan Mama.
“Akea am kangaanga, Mama?” e titiraki Iotebwa.
“Eng,” e taku Mama. “I kukurei. Ko a tia ni mwakuri korakora.”
Iotebwa e korakora moangarena.
“I wareware ni katoa bong, n aron are ko tuangai.” E kaota ana Boki Moomon nakon Mama. Ana kanikina n tokina ni wareware e mena n ana boki Aramwa!
Tabebong ana kanikina Iotebwa imwiin warewarena e nang roko n tokin te boki. Ao imwiina e na manga moanna riki mai moana!