Sister Joy D. Jones

Mo Joy D. Jones, o ona matua agalelei o ona toa manumanu ia.

“Sa ou lagonaina le pei na mafai ona faia e lo’u tama o soo se mea,” na fai mai ai Sister Jones e uiga i lona tama, o se faieletise. E faatatau i lona tina, na ia fai mai ai, “O lo’u tina o se tamaitai ofoofogia” o le sa faia mea uma mai meaai o le aiga i lavalava sa latou ofuina—mai lava i le amataga. “Ia te au, o ia o se tagata paia, ma sa ou manao e ola ae e faapei o ia.”

E le gata i le faatauaina o manatuaga o ona matua, o Aldo Harmon ma Eleanor Ellsworth Harmon, sa faatauaina e Sister Jones ia manatuaga faatamaitiiti o le faalogologo atu ia Elder Robert L. Backman ao ia saunoa i se konafesi faale itu i Oregon, ISA. O Elder Backman, o se Fitugafulu o le Pulega Aoao ua faamalolo faamamaluina i le taimi nei, sa avea ma se peresitene o le misiona i lena taimi.

“Sa ou lagonaina se mea matua malosi lava ao saunoa mai o ia,” o le tala lea a Sister Jones. “Sa ou lagonaina se mea e matuai ese lava nai lo le mea sa ou lagonaina a o lei amataina. … Ou te matua faafetai lava mo lena mea aua sa ou maua se molimau mai le Agaga o mea sa fai mai ai ua moni.”

Sa soifua mai Joy Diane Harmon i le aso 20 o Iulai, 1954, i Le Dalles, Oregon. O i laua uma ma lana tane i le lumanai, o Robert Bruce Jones, na ola ae i Oregon, ae sa la feiloai i le Iunivesite o Polika Iaga, i Provo, Iuta, ISA. Sa la faaipoipo i le aso 14 o Aukuso, 1974, i le Malumalu o Manti Iuta. E toalima o laua alo ma fanau a fanau e toa 17.

I se taimi puupuu talu ona ia mauaina se faailoga o le associate faasaienisi i le ola i aiga, sa latou siitia atu i Portland, Oregon, ma mulimuli ane i Santa Rosa, Kalefonia, ISA, lea na faigaluega ai Brother Jones o se fomai tipitipi o musele. Na lagona e Brother ma Sister Jones le faagaeetia e siitia atu i Draper, Iuta i le 22 tausaga ua mavae. Sa olioli Sister Jones i le faamanuiaga o le nofo latalata i se malumalu talu mai lena taimi.

“Sa avea le Malumalu o Jordan River i Iuta ma o’u nofoaga paia,” o lana tala lea. “E i ai sau molimau i le mana o le malumalu ma le filemu ma le taitaiga lea ua aumaia ia te au i lo’u olaga.”

Sa auauna atu Sister Jones o se peresitene o le Aualofa a le uarota ma se peresitene o le Peraimeri ma se fesoasoani i le au peresitene o le Aualofa, Tamaitai Talavou, ma le Peraimeri a le uarota ma le siteki. Sa ia auauna atu talu ai nei i le aufono aoao o le Peraimeri.