6 Kanikina n te Toa are te Riao Aika A Kona ni Bita Aron Taraakin te Itita Iroum
Ngkana ti uring kanikina n te Toa are te Riao, otara ao kimwareireira ibukin koauan te Mangauti e na kakorakoraaki.
I tangira te Itita, te bong ni motirawa are e kauringa kainaomatakiia natin te Atua iroun Iesu Kristo man ana kabaebae te mate ao te tamnei.
Ma 1,500 te ririki imwaain te Mangauti, te bong ae tabu ae aekakin aei e mwakena koron aia ririki tibun Iteraera ni kainaomataaki man te tautoronaki i Aikubita iroun Iehova.
E kauringiira te Itita ana angakarea ni kamaiu te Tia Kamaiu; te Toa are te Riao are e a kaman kaotia. Ni kabane, ti kona ni kakorakora otara iaon te Mangauti. Aika oti inano bon tabeua reitaki imarenan te Toa are te Riao ao te Itita:
|
Te Toa are te Riao |
Itita |
|
1. Te Toa are te Riao e boboto iaon te tibu te teei n te Itita, te mwaane ae te moa n raoiraoi (taraa Te Otinako 12:5), n akea rina ae uruaki (taraa Te Otinako 12:46). |
1. Iesu bon ana Tibu Teteei te Atua (taraa Ioane 1:29), ae kainaomataki man te bure n akea mwaoton riina (taraa Ioane 19:36). |
|
2. Te berena ae aki karikaki, inaomata man te aro ni kamamate (taraa Bible Dictionary, “Bwai ni kariki”), a raona te baka n te Toa are te Riao (taraa Te Otinako 12:8, 15). |
2. Iesu bon te Berena ni Kamaiu, are akea barekana (taraa Ioane 6:35). |
|
3. Aroka aika mao, te kanikina n te tautoronaki irouia kaain Iteraera, n raonaki ma te baka n te Toa are te Riao (taraa Te Otinako 12:8). |
3. Ti na bae ni kabaeaki n te tautoronaki n te bure, ma ibukina ngkai e nimma te mwangko ae mao Iesu (taraa R&B 19:18), ti kona n tokanikai iaona rinanon Ana Mwakuri ni Kamaiu (taraa 1 I-Korinto 15:22). |
|
4. Te baka are te Toa are te Riao e na kawitataaki ni kanaki (taraa Te Otinako 12:11). |
4. E katauraoaki rabwatan te Tia Kamaiu ni kawaekoaaki ibukin taunakina (taraa Ioane 19:31). |
|
5. Taan onimaki aika a benii aia mataroa n raraan te tibu te teei a kamaiuaki man te mate n rabwata (taraa Te Otinako 12:7, 13). |
5. Taan onimaki aika a taua te toa ni kauringaa raraan te Tibu te teei ni katoa wiiki ao “n ururingnga n tainako” (R&B 20:77, 79) a kona ni kamaiuaki man te mate n tamnei ao n rabwata (taraa Motiaea 4:2). |
|
6. Te bong imwiin tiringan te karimoa, e katanoataaki te inaomata nakoia taan birinako mai i Iteraera (taraa Te Otinako 12:29–32). |
6. Te bongina imwiin kamatean te Moan Nati, e katanoata Iesu te inaomata nakoia ake a tautoronaki n te Aonaaba n Tamnei (taraa R&B 138:18, 31, 42). |