Karikirakean te Roro ae Rikirake
N te tai ae nako I ira te kaembwa ibukiia Kairake Ikawai aika a tuai iein i Tonga. Ikekei imatau, n Ootan moaningabongin te Kanimabong, a tekateka te mwaiti ae raka iaon nimabubua ana aomata te Uea aika kabanea n tamaroa. A mwaie, a anene, a uaia ni kukurei ni baika a karaoaki ao ni kakauongo nakon reirei aika a tamaroa i bon i marenaia ma aia tia kairiiri. Bon te kakukurei te bootaki ma ngaiia, n namakina raoiroia ao n ataia bwa a tekateka i matau tabeman man te Ekaretia, te komiuniti, ao taan kairiiri nakon te ingabong.
E mwaiti ae ti bukamaruia ae tamaroa ae kakororaoaki irouia te Roro ae Rikirake aika ataeinimwane ao ataeinaine n te Betebeke. Mwaitiia a mwakuri ni mitinare, a mare n te tembora ao ni beku n taian uoote ao mwaanga rinanon aaba n te Betebeke. Ao man noorakin tamaroa aikai, iai te marena ae tamaroa i marenaia ake a tiku n nene ni korakora ao ni kakaonimaki nakon aia berita, ma ake a aki, ao anne oin te raraoma ae kaineti nakoira ni kabane.
Te Beretitentii n Ana Aono te Betebeke e wewete nakon te Roro ae Rikirake ni bon tararuai tamneia ibukin te maiu ae akea tokina. Akea te membwa n te roro aei ae na kona n anga te tabe aei nakon temanna riki. A na riai ni karekea kamaiuakin tamneia ae aki toki bon man reireinakiia n te aro n tamnei are karekea karaoakin ao kawakinan berita ao ni iriiri mwakuri ni kamarurung. Ana reirei Kristo ae ongeaba a karika te Tia Kamaiu bwa boton maiuia ao ni moanibwaia karaoakin are kakawaki riki. Te tataro ma te nano ni koaua ni katoa bong, warekan booki aika tabu, irakin Tieminari ao Intitute, irakin Taromauri, iai iroum kariaian te tembora ae ngkai, kabouakin berita ao te mwakuri ibukiia tabeman bon aikai tabeua man bwaai ake a kakawaki riki. Eng, n tatabemaniia n te Roro ae Rikirake a na riai ni karaoa tabeia ibukin marurungin tamneia man karaoan bwaai aika kakawaki riki.
Ni karika Kristo bwa boton maiura iai aua aanga ake a na buokira n nene ao ni kokoaua nakon te Euangkerio ae kaokaki. A raonaki ma butimwaeakim bwa kaain te Ekaretia. Te tai are ti aki tabe nnanoia bon te tai are e moanaki iai ara berita. Kauoua, ti na uringnga bwa bon iai ana baire te Atua ibukiia Natina i aonaaba ao n tokina, ti na manga oki ni maeka ma Ngaia teuana riki te tai. Ataakin riki te baire ni Kakukurei ae Korakora ao ngaira ti na kakoroa nanon raoi te baire. Kateniua, ti na riai n uringa aia mwakuri mitinare are kakoroa nanon rairakira nakon Kristo ao ni karikirakea ara onimaki Inanona. Ti kainanoa te rairaki raoi ni kaitarai kangaanga ake a na kaoti. Te kaaua e riai bwa ti na iein. Te Mare i marenan te mwaane ao te aine e a tia ni katabuaki iroun te Atua ao e aki tau bwa e na kamaunaaki.
Akea ae iangoaki bwa e na tiku n tii ngaia n te maiu aei ao te Atua e a tia ni kataua bwa ngkana a kaoti kaangaanga e tauraoi te buoka. Te Roro ae Rikirake a kona ni karekea te buoka anne inanoia kaaro aika raoiroi, Nakoanibonga ao taan kairiri ni bootaki ni buobuoki, ao raao aika buobuoki ake a anga aia buoka. N aekaia ni kabane membwa, a na karekea te buoka ae te kabanea n tamaroa are karekeaki man te katorobubua ni bubuti ibukin te ibuobuoki n tokanikai iaon kanganga ao kariiri are a kaitara ma ngaia. A na namakinna, n aron ae I namakinna ana kakairi te Tamnei are Raoiroi ni kairiia ao ni karaui nanoia inanon tain kaangaanga.
N tangirakin buokaia riki te Roro ae Rikirake, Unimwaane Christofferson e karaoa te bubuti teuana ae onoti bwa “Ikawai mwaane—kaaro, Ikawai aika tuai iein, taan kairiiri, taan reirei n te mweenga—a na riki bwa bwaai ni kakairi aika a itiaki ao ni buoka te Roro ae Rikirake n ataeinimwane n riki bwa mwaane. Reireinia te aro ni iraorao ao rabakau riki tabeua: aron te marooro, aron te ikikina, ao te uaia ni buobuoki ma tabeman, aron te itoman ma aine ao ataeinaine, aron te beku, aron te kakamwakuri ao ni kaain bootaki ni kakukurei, n reiakina te bwai ae mamaten nanom man aki burababa iai, te aro ni kaeti kairua ao ni karaoa ae raoiroi riki.” Mwane n te Betebeke aika ikawai, ti butii ngkami ni kaeka te wewete aei mairoun ana burabeti te Atua.
E taekinna nako riki bwa “Katein te aine ae anai nano akea namakinana ae korakora ke kaamwakurakina ae kakabwaia iai nakon are n te mweenga. Akea riki te tabo ibukin tararuakin te Roro ae Rikirake nakon are bon rikian te utu, ike te karo ao te tina a uaia ni mwakuri ma te inanoi ni katauraoi ibukiia, n reireiniia, ao n karikirakeia natiia.” E itiaki raoi, mweengan te LDS ae korakora bon te tabo ibukin karikirakeaia te Roro ae Rikirake.
Ti kaoia kaaro ni kabane ao taan kairiri ni kakoaua bwa ngkana a kaitibo ma kakaitara ao te kariiri akea man te Roro ae Rikirake ae na bua ao ko na raoniia n te bwai are a tangiria bwa a na tiku ni kokoaua nakon aia berita ao ni kamaiuia raoia aika tiotionako.