Katabwenaan—aontano ni bukamaru ibukin te Titeiki Tienta ae Boou

Te Titeiki tienta ae boou ae katabuaki i Eita, Kiribati.

Taan kairiiri ai arona naba ma aobitia n te tauteaka, taan kareke rongorongo, membwa n te komiuniti ao taan tei man Craig Construction, Ltd (CCL) a ira te bukamaru ae kairaki iroun Banririe Nenebwati, te tia kairiiri i Tarawa.

Iotua Tune, te manatia n te tieweti tienta ibukin te Ekaretia, e karakina rongorongon te Ekaretia i Kiribati ae kimototo ao koro tamneiakin te Titeiki tienta ae boou.

“Te korotamnei ae kaokoro aei bon otinakon kanoan aia bowi Intinia n te Ekaretia, taan kateitei ao kaain te Titeiki i Kiribati ao n tia ni kamatoaki man te Beretitentii n te Aono ao Atuun te Ekaretia,” e taku.

E taku te Tia tei man te CCL bwa, “Ara boto ni iango tiaki ti katean te kateitei ae tamaroa ao ni matoatoa ibukin te Ekaretia i Kiribati, ma kateakiia kaain te aba n te aro are n te bong teuana e na reke irouia te rabakau ao te kona ni katei oin aia auti n taromauri.”

Banririe Nenebwati, e anga ana kakaitau ibukin te tabo ae boou, n taku, “Te Titeiki tienta ae boou aio e kaota tian te onimaki ao korakoran te tamnei irouia aika itiaki i Kiribati ao e na aki ti kakabwaiaia membwa ma bon kaain te komiuniti ao te aba ae bwanin. E na uota riki otan ana Euangkerio Iesu Kristo nakoia aomata are uota te tangira, te rau, ao te raoiroi.”