Elder Kyle S. McKay

Gawas sa iyang pamilya ug sa Simbahan, ang pinakaganahan kaayo ni Elder Kyle S. McKay mao ang pagsakay sa iyang kabayo ngadto sa kabungturan.

“Dili kini maoy akong relihiyon,” miingon siya, “apan walay pagduha-duha nakapalig-on kini sa akong [pagtuo]. Akong puli-pulihon ang Ginoo ug ang kabungturan ug ang kabungturan ngadto sa balay sa Ginoo. Makigkita Siya kanako nianang mga dapita.”

Gipahisama ni Elder McKay ang kabungturan ibabaw sa Huntsville, Utah, USA, ngadto sa katubigan ug sa kakahoyan sa Mormon ug ang ilang kaimportante alang sa katawhan ni Alma—kining mga dapita, sa iyang kabatan-on, iyang naangkon ang kahibalo bahin sa iyang Manunubos.

Natawo si Elder McKay niadtong Pebrero 14, 1960, sa Chicago, Illinois, USA, kang Barrie Gunn McKay ug Elaine Stirland McKay, kinsa iyang gipasidunggan tungod sa paghulma kaniya nga mahimong tawo kinsa mao siya karon.

Mihunong una siya sa pag-eskwela sa Brigham Young University niadtong 1979 aron makaserbisyo og full-time nga misyon sa Kobe, Japan. Sa wala madugay human nauli gikan sa iyang misyon aron humanon ang iyang degree sa English, nahimamat ni Elder McKay si Jennifer Stone, kinsa bag-ohay lang usab nga nauli gikan sa England Bristol Mission. Nag-eskwela usab siya og English. Nagminyo silang duha sa templo sa Oakland California niadtong Hunyo 12, 1984.

Nga ang pamilya maoy sentro sa iyang kinabuhi, miingon si Elder McKay, siya ug si Sister McKay nakakuha sa kinadak-an nilang kalipay gikan sa ilang mga kaliwatan. Samtang ang mga McKay nagpuyo sa Kaysville, Utah, USA, kanunay silang mogahin og panahon kauban sa ilang siyam ka anak sa Huntsville, diin ang iyang mga katigulangan nagpuyo sa sayo nga bahin sa mga 1860.

Nakagradwar si Elder McKay nga may juris doctor degree niadtong 1987 gikan sa J. Reuben Clark School of Law sa BYU ug midawat dayon og trabaho sa dako nga kompanya sa regional law sa Portland, Oregon, USA. Wala madugay mibalik siya sa Utah aron ipadayon ang oportunidad sa lain nga kompanya sa pamalaod sa wala pa modawat sa posisyon sa Kroger Company. Nagtrabaho siya isip vice president sa Smith ug Fry, duha ka dibisyon sa Kroger sa Utah ug Arizona, USA, sugod 2000 hangtud 2017.

Si Elder McKay nakaserbisyo kanhi isip bishop, high councilor, stake president, ug Area Seventy.