Konafesi Aoao ia Aperila 2018

Ata

man at gas station

Sa ou ootia i le savali a Peresitene Nelson i le konafesi faapea e finagalo le Atua e talanoa mai ia te a’u ma tau mai ia te a’u le mea e finagalo o Ia ou te faia. I le aso sa ou mafaufau ai o le a ou faataitaia lena mea. Sa ou tatalo ina ia mafai ona ou fesoasoani i se tasi i le aso. Ina ua mavae le ‘aiga o le aoauli sa manaomia e utu faatumu le kesi o la’u taavale. Sa ou maua se manatu e tatau ona faatauina se kesi mo se isi tagata. Ma le masalosalo, sa ou mafaufau, “Ia se’i vaai.” Sa amata ona pamu la’u kesi. Sa alu ane se tamai veni ma tu i o’u autafa, ma sa alu i fafo se fafine ma lana tama tama. Sa aumai i fafo lana atotupe ma autilotilo i totonu.

Na tau faaiuiu le utuina o la’u kesi ae ou faalogoina lona fai mai ma le matamuli, “Faamolemole lava.” Sa ou faliu atu ma vaaia se vaaiga popole i ona foliga.

Sa ou tau atu ia te ia e tatau ona ou faatauina se kesi mo se isi i le aso. “O oe lena tagata?” Ma le tei, na amata ona loimata [ona mata]. “O loo i ai se tasi o loo vaavaaia oe i le aso,” sa ou fai atu ai. Sa ou taamilo atu i le pamu ma tuu i totonu la’u kata faifaatau. Ona ou oso lea i totonu o la’u taavale ma alu ese atu ma se faamautinoaga mautu o loo i ai se tasi i luga o loo vaavaaia foi a’u. Faafetai i le Atua mo se perofeta!”