Tala o Tusitusiga Paia
Tavita ma Koliata
Mai le 1 Samuelu 17.
O Tavita o se tama o le na tausia mamoe. O ona uso matutua o ni fitafita o lo o taumafai e puipui i o latou tagata. I se tasi aso, na auina atu ai e le tama o Tavita o ia e ave meaai i ona uso.
Ina ua taunuu atu Tavita iina, na ia iloa ai se fiafita matautia e igoa ia Koriata. Na faapea mai Koriata afai e iai se tasi na te faatoilaloina au, o le a uma le taua. Ae sa leai se tasi e toa e tau ma ia.
Na faiatu Tavita o le a ia tau ma Koriata. Na faiatu le tupu ia Tavita e leai. O Tavita ua na o se tama o ia, ae o Koriata e malosi ma lapoa! Ae na iloa e Tavita o le a fesoasoani le Atua ia te ia. Mulimuli ane, na faapea mai le tupu, “Alu, ma ia faatasi le Alii ma oe.”
Sa le i ofuina e Tavita ni ofu uamea e pei ona faia e Koriata. Sa ia ava’e se maa ma tuu i totonu o lana maata. Na ia togi le maa i le muaulu o Koriata. Na pau ifo i lalo Koriata! Ua manumalo Tavita! Ua faasaoina e ia ona tagata.
O nisi o taimi ou te faafeagai ai ma faafitauli tetele, ma taufaamatau. Pe a ou valaau atu i le Atua mo se fesoasoani, o le a fesoasoani mai o Ia e faamalosi ia te au.