O Le Folafolaga e le Toe-Taua’imisa
E alaala le tusitala i Iuta, ISA.
“Sa latou ave a latou pelu ma a latou auupega uma … , ma ua latou tanumia ai maulalo i le eleele” (Alema 24:17).
O le aso lenei o se aso matagofie. O le tei o Timmy o Madi e sau nei. Ma o le a nofo o ia mo le vaiaso atoa! Sa le mafai ona faatali o ia e faaali atu ia te ia o ana meataalo ma taaalo faatasi ai.
Ina ua sau Madi, na amataina loa lava a la tafaoga. Mo aso muamua e lua, sa la taaalo ai i tainosoa meataalo ma faafoliga o ni tagata faomea. Sa tele le fiafia. A o le aso tolu, sa le i lelei le faasologa e pei ona iai. Sa le malilie Timmy ma Madi i so o se mea.
“Ta o i fafo ma liliu le fale laau i se vaa o le vateatea!” Sa fai atu ai Timmy.
“Ou te le manao iai. Ta nonofo i totonu ma tusiata,” na faimai ai Madi.
“E le manaia totonu!”
“Leai, e leai lava! Taua te taaalo soo lava i taaloga e te manao e taalo ai. Aisea e te filifili soo ai mea ta te faia faatasi?”
Ua fefinauai pea Timmy ma Madi. Sa le toe iai se malie. Sa le manao Timmy i le auala sa ia lagonaina ina ua tauaimisa i laua. O lea na ia mafaufau ai i se mea,
“E, Madi,” sa faimai ai Timmy, “ta faapei o le aneti-Nifae-Liae.”
“O ai?”
“Aneti-Nifae-Liae O i latou o ni tagata i le Tusi a Mamona o e na tanumia a latou pelu. Sa iai i latou i le tele o ni taua, ae sa latou faamalie atu, o lea sa salamo ai i latou. Na latou folafola atu i le Tama Faalelagi latou te le toe fetauai lava. Ona latou tanumia lea o a latou auupega i le palapala e faailoa ai ua latou mananao e tausia la latou folafolaga.”
Na faafuasei ona oso mai se manatu i le mafaufau o Timmy. “a faia ni pelu meataalo ma tanumia i latou ma folafola atu tate le toe tauaimisa o le tasi ma le isi.”
“Lelei la,” na fai atu ai Madi.
Sa aumai e Timmy ma Madi ni meataalo o palasitika e faufale mai le potu o Timmy ma fau mai ai ni pelu eseese. O nisi na uumi. O nisi na pupuu. Ae o isi na felanulanuai. Ina ua uma na auina atu e Timmy ma Madi a laua auupega i le fala fofola lapoa i le mea e ulufale mai ai.
“A faafoliga o le fala fofola o se pu lapoa,” sa faimai ai Timmy.
Sa la nonofo ifo i le pito o le fala fofola. O lea e taitasi i le taimi, sa taitasi ai ona la tuu atu ai a la pelu i luga o le fala fofola, ma faafoliga ua la tanumia i latou.
“Ou te tautino atu ou te le toe faamisa lava,” na faimai ai Timmy, ma faapau ifo lana pelu mulimuli i luga o le faaputuga.
“E faapena foi au,” na fai mai ai Madi. “Ia ta o e taalo! O lea le mea e te manao e fai?”
“Ta tusiata,” na faapea mai ai Timmy ma le ataata.
Sa ataata atu foi Madi. “Ona ta o lea e taaalo vaa vateatea i fafo.”
Mo le toega o le vaiaso, na tausia e Timmy ma Madi le la folafolaga. Ma sa tele lo la fiafia, i le taaalo faatasi ina ua faatea i tua a laua tauaimisaga.