Afai e silafia e le Atua faaiuga uma o le a tatou fai, o le a le aoga o la tatou faitalia?

O lenei fesili ua nunumi ai tagata i le tele o seneturi. O le auala tatou te tali atu ai e faalagolago i manatu faavae e lua, upumoni faaalia:

E silafia e le Atua mea uma. O le silafia a le Atua e le faatuaoia e le taimi (tagai MF&F 38:2). E faaopoopo iai, e ia te Ia le aafiaga patino e faavavau o i tatou a o le i o tatou o mai i lenei lalolagi, o lea ua Ia silafia le faamoemoega ma uiga o i tatou taitoatasi sili atu nai lo tatou.

Ua ia i tatou le faitalia. O i tatou o tagata atamamai, o fanau a le Atua, e alofa ia i tatou ma faatuina se fuafuaga e mafai ai ona avea i tatou faapei o Ia—pe afai tatou te filifili e usiusitai ia te Ia (tagai MF&F 93:27–32; Aperaamo 3:21–25). O le uiga o le faitalia o le mafai lea ona tatou filifili mo i tatou lava ae le faatonuina (tagai 2 Nifae 2: 14, 16, 27).

O le silafia lelei e le Atua o o tatou tagata ma Lona muai silafia o a tatou filfiliga ua le mafua ai ona tatou faia o na filifiliga. Aua ua Ia silafia i tatou ma ona ua ia i tatou le faitalia, ua Ia valaauina ma faaosofia i tatou—ae le faamalosia i tatou—e faia le lelei ma talitonu ia Iesu Keriso (tagai Moronae 7:16–17).