Ua I Ai Iinei le Ekalesia
Tokyo, Iapani
I le Fanuatanu i Yanaka i Tokyo, Iapani, o se aiga o le Au Paia o Aso e Gata Ai, o le au Saitō, o loo asiasi atu i le fanuatanu o le latou aiga. Mo i latou, o se nofoaga o le manatuaina, ua atili ai le paia ona o lo latou malamalama o le talalelei e faapea e mafai ona faatasi aiga e faavavau.
O le faaaloalo mo le aiga ma tuaa e matuai loloto lava i le aganuu a Iapani, ma ua fiafia le Au Paia o Aso e Gata Ai i Iapani ona ua faamanuiaina nei lo latou atunuu i ni malumalu se tolu: Tokyo (o le uluai malumalu i Asia, na faapaiaina i le 1980 ma o loo faia se faafouga i le taimi nei), Fukuoka (na faapaiaina i le 2000), ma Sapporo (na faapaiaina i le 2016). O Iapani foi o le nofoaga lea o ni nofoaga autu e 64 a le AAG mo talafaasolopito o aiga.
Sa uluai taunuu faifeautalai i Iapani i le 1901, sa taitaia e Elder Heber J. Grant (1856–1945), a o avea ai ma se tasi o le Korama a Aposetolo e Toasefululua ma avea mulimuli ane ai ma Peresitene o le Ekalesia. I le asō, ua toeitiiti 130,000 tagata o le ekalesia i Iapani i ni aulotu e 261.
-
O le uluai faaliliuga o le Tusi a Mamona i le faaSapani sa alu ai le lima tausaga ma sa faamaeaina i le 1909. Sa lomia se faafouga o le faaliliuga i le 1957.
-
O le falelotu muamua lava a le AAG i Aisa sa faapaiaina i Iapani i le 1964.
-
O le Au Pulega Aoao e tupuga mai i Iapani e aofia ai Adney Y. Komatsu (1923–2011), sa soifua mai i Hawaii; Sam K. Shimabukuro (1925–2015), sa soifua mai i Hawaii; Yoshihiko Kikuchi, ua malolo faamamaluina; Koichi Aoyagi, ua malolo faamamaluina; Takashi Wada; ma Kazuhiko Yamashita.