Talofa mai le Atu Filipaina!
O a’u o Paolo. Ae o a’u o Margo. O le tausaga lenei o loo ma malaga taamilo ai i le lalolagi e aoao e uiga i le fanau a le Atua. Auai ma i ma’ua a o ma asiasi atu i le Atu Filipaina!
Pe a ma le selau miliona tagata e nonofo i le Atu Filipaina, faatasi ai ma le tele o manuvaefa mananaia!
E valu gagana autu e tautalagia i le atu Filipaina. O le Tusi a Mamona lenei ua lolomiina i le gagana e ta’u o le Sepuano.
E faapefea ona e oo atu i le lotu? O nisi o aiga Filipino e tietie i sipi [jeepney] e feoai ai!
O le mama FMT lenei i le gagana Filipino e ta’u o le Takaloka. O le faafilipino lenei o le “filifili mea tonu” piliin ang tama.
O malumalu nei i le Aai o Sepu ma Manila. Ae tou te iloa? O loo fausia se malumalu lona lua i Manila! Ma o le a fauina foi malumalu i isi aai e lua, o Urdaneta ma Cagayan de Oro.
O tamaiti Filipino e taaalo i se taaloga e ta’u o le luksong tinik, po o le “puna i luga o laau talatala.” E saofai se tamaitiiti se toatasi pe toalua i luga o le fola, ma tuu o latou vae ma lima i luga o le tasi ma le isi. Ona taumafai lea o isi tamaiti e fepuna i luga e aunoa ma le papai i le faaputuga.
Feiloai i nisi o a maua uo mai le atu Filipaina!
“Ou te tulimatai atu lava i a matou faitauga tusitusiga paia o se aiga i afiafi. Ou te maua ni lagona lelei i taimi uma ou te faitau ai i tusitusiga paia.”Lanneah D., 10 tausaga, Central Luzon, Filipaina
“O le taimi muamua sa tau faataitai ai lau faitau, sa ou lagona le faanoanoa ona sa le vave la’u faitau. Sa fesoasoani o’u matua ma lo’u uso ia te a’u, ma o le taimi lenei ua ou fiafia lava e faitau tusitusiga paia.”Acumen D., 7 tausaga, Central Luzon, Filipaina
E te sau mai Filipaina? Tusi mai ia i matou! Matou te fiafia lava e faalogo atu ia te oe!”
Faafetai mo le suesueina o le Atu Filipaina faatasi ma i ma’ua! Feiloai i se isi taimi!.