Ata

tamaitai talavou i le lotu

Ae a pe a ou alu ese? O le taimi muamua na siitia mai ai iinei, sa na’o le toalua isi tamaitai talavou i la’u paranesi. Sa avea i matou ma ni uo ma faapea ona ou masani lelei ia i la’ua. Ae sa le toe o mai i la’ua i le lotu.

I se tasi taimi ina ua ou alu atu i le malumalu, sa ou vaai ai i le peresitene o le misiona. Sa ou faamatala atu ia te ia e uiga i a’u uo ma fesili atu po o le a se mea e mafai ona ou faia e fesoasoani ai ia la’ua toe foi mai i le Ekalesia. Sa ia fai mai ia te a’u, ou te tumau pea i le mea sa ou i ai, ia malosi, ma tatalo mo i la’ua.

E le’i leva, ae ou vaai i se tasi o tamaitai, ma sa matuai o’u fiafia lava e vaai ia te ia. Ina ua ou foi i le fale i lena po, sa ou tatalo ma malosi se lagona e matuai tatau ona ou tumau pea i le mea sa ou i ai ma alu pea i le lotu, alu pea i le seminare, ma ia avea pea ma se faataitaiga i a’u uo. Ae a pe a ou aluese ma le toe foi mai ae te’i ua toe foi mai se tasi o a’u uo i le lotu? O ai o le a avea ma a laua uo ma fesoasoani ia la toe foi mai?

E faigofie atu ia mea pe a tatou faia faatasia.

Alyona, Kharkiv Oblast, Iukuraini