Hisitōlia Fakafāmilí, Fakahokohoko

ʻĪmisi

Family History, Step by Step

Mālō e lelei, ko Mei au.

Naʻa ku maʻu e tā ko ʻení ʻi ha fuʻu puha motuʻa. Naʻá ku sio ʻi he tafaʻaki ʻe tahá ki he hingoa ko e Fumiko.

Naʻe pehē ʻe heʻeku fineʻeikí ko ha tā ia ʻo ʻeku kui ua ko Fumikó. Naʻá ku loto ke u ʻilo lahi ange fekauʻaki mo ia.

Naʻá ma sio ki he loto puhá pea maʻu ai ha tohi motuʻa naʻe fai ʻe Fumiko mo ha ʻū tā lahi ange. Naʻe fakafiefia ke u ʻilo fekauʻaki mo ia.

Naʻá ma vakai ki he FamilySearch.org pea tānaki e Fumikó ki heʻemau ʻakau fakafāmilí. Naʻá ma fakahū hono ʻaho fāʻeleʻí pea mo e ʻaho naʻá ne mali ai mo hono husepāniti ko Hailosí.

Naʻá ma tānaki foki ki ai mo e ʻū tā ʻa Fumikó. Kapau leva ʻe puli pe maumau e ʻū taá, ʻe lava maʻu pē hoku fāmilí ʻo maʻu ha tatau ʻi he ʻinitanetí.

Naʻe ʻikai teitei papitaiso ʻa Fumiko ʻi heʻene kei moʻuí, ka ko ʻeni kuó u lahi feʻunga ke ʻalu ki he temipalé pea papitaiso maʻana.

Naʻá ma ʻai ha tatau ʻo e hingoa mo e fakamatala ʻa Fumikó. Naʻá ma ʻalu leva ki he temipalé pea naʻá ku papitaiso maʻana!

ʻI heʻeku aʻu ki ʻapí, naʻá ku tohi fekauʻaki mo ia ʻi heʻeku tohinoá. ʻOku ou ʻamanaki lelei ke u fetaulaki mo e Kui Ua ko Fumikó ʻi ha ʻaho. ʻOku ou fie hokohoko atu ke ako kau kiate ia pea mo e kotoa hoku fāmilí!