Mālō e Lelei mei Lūsia!

ʻĪmisi

Hello from Russia

Mālo e lelei, ko Paolo mo Mako kimaua.

Kau mai ʻi heʻema ʻaʻahi ki Lūsiá!

Ko Lūsia ʻa e fonua lahi taha ʻi he māmaní! ʻOku ʻi ai ha konitinēniti ʻe ua: ko ʻIulope mo ʻĒsia. Ko e monumanu tuʻufonua ʻa Lūsiá ʻa e pea melomeló.

ʻOku fakaʻaongaʻi ʻe he mataʻitohi faka-Lūsiá ʻa e ngaahi mataʻitohi faka-Sililikí. Ko ha fakaʻilonga ʻeni ʻi ha fale ʻo e Siasí ʻi Lūsia pea mo ha Tohi ʻa Molomona ʻi he lea faka-Lūsiá.

Ko e Falelotu Katolika ʻeni ʻo Saint Basil, ko e taha ʻo e ngaahi feituʻu ʻiloa ʻi Lūsiá. ʻOku kau e kakai toko lahi ʻi Lūsia ki he Siasi Lūsia ʻOfotokisií. Ko ha kakai Kalisitiane kinautolu, ko hono ʻuhingá ʻoku nau tui kia Sīsū Kalaisi ʻo hangē pē ko kitautolú!

ʻOku ui e fuofua ʻaho ʻo e akó ʻi Lūsia ko e ʻAho ʻo e ʻIló. ʻOku hiva mo tauʻolunga e fānaú mo ʻave ha matalaʻi ʻakau ki heʻenau faiakó.

ʻOku fuʻu manakoa ʻa e supó ʻi Lūsia! Ko e tamasiʻi ko ʻení ʻokú ne kai ha supo kāpisi ʻoku ui ko e shchi.

Naʻe fanongonongo ʻe Palesiteni Nalesoni he taʻu kuo ʻosí ʻe langa ha temipale ʻi Lūsia. Naʻe fiefia ʻaupito e kāingalotu ʻo e Siasí ʻi Lūsiá! ʻE hoko ia ko e fuofua temipale ʻi he fonua lahi ko iá.

Fakamālō atu ʻi hoʻo fie mamataʻi ʻa Lūsia mo kimauá. Tau toki sio!