Ko e hā ʻOkú ke Fakakaukau ki aí?
ʻOku ou mei hū ki he temipalé, ko hoku fuofua taimí ia, pea ʻoku ou tailiili ki he ʻinitaviu temipalé. Ko e hā e faʻahinga fehuʻi ʻe fai ʻe he pīsopé? —Loto-hohaʻa ʻi ʻAkapuko
ʻAlā Siʻi Loto-hohaʻa,
ʻOku ʻoatu ʻi he lisi ʻi laló ʻa e faʻahinga meʻa ʻe talanoa atu ki ai hoʻo pīsopé pe palesiteni fakakoló. Te ke lava ʻo fai ange ha fehuʻi kapau ʻoku ʻikai mahino kiate koe e ʻuhinga ʻo ha meʻa. Te ke lava foki ʻo ʻalu mo ha taha ho ongomātuʻá kapau ʻokú ke loto ki ai.
ʻOku mau ʻofa atu!
Ko e Kaumeʻá
-
ʻOkú ke tui nai ki he Tamai Hēvaní, Sīsū Kalaisi, pea mo e Laumālie Māʻoniʻoní?
-
ʻOkú ke poupouʻi nai hoʻo kau taki ʻi he Siasí (hangē ko e palōfitá, kau ʻaposetoló, mo hoʻo pīsopé)?
-
ʻOkú ke tauhi nai ke maʻa mo haohaoa ho ʻatamaí mo e sinó?
-
ʻOkú ke feinga mālohi nai ke tauhi e ngaahi fuakava naʻá ke fai ʻi hoʻo papitaisó?
-
ʻOkú ke muimui nai ki he ngaahi fekaú?
-
ʻOkú ke angatonu nai?
-
ʻOkú ke totongi kakato nai ha vahehongofulu pēseti ʻe 10?
-
ʻOkú ke tauhi e Lea ʻo e Potó?
-
ʻOkú ke tui nai ʻokú ke taau ke hū ki he fale ʻo e ʻEikí?
Neongo kapau he ʻikai te ke ʻalu leva ki he temipalé, te ke kei lava pē ʻo maʻu ha lekomeni temipale kapau ʻokú ke ʻi he Kau Finemuí pe maʻu e Lakanga Taulaʻeiki Faka-ʻĒloné. ʻOku tokoni ia ke ke manatuʻi ke ke moʻui taau maʻu ai pē ke ʻalu ki he temipalé!