200 Yia blong Laet
Long wan naesfala klia dei, 200 yia i pas, wan yang man i go insaed long wan bus blong ol tri, wetem tingting blong askem fogivnes mo blong prea abaot wijwan jos bae hem i joenem. Aot long wan merikel visen, hem i bin lanem se hem i no mas joenem wan long ol jos ia. Olsem ia nao, taem ia i makem stat blong Restoresen blong gospel blong Jisas Kraes—mo i wan samting we i stap gogohed long taem blong yumi tedei.
Long namba ia, yumi stap selebretem 200 yia blong laet:
-
Presiden Russel M. Nelson i stap tijim olsem wanem kam tugeta blong Isrel long tugeta saed blong vel i save mekem yumi rere, mo mekem ol narawan oli rere from Seken Kaming blong Lod (pej 6).
-
Elda LeGrand R. Curtis Junia i soem olsem wanem ol Lata-dei Sent oli bin tekpat long Restoresen ia we i stap gogohed—mo olsem wanem, wanwan long yumi, i save tekpat (pej 18).
-
Long ol yut, Elda Neil L. Andersen i serem faef trutok we yumi save lanem aot long Fas Visen (pej 52).
Taem yumi stap lan aot long ol toktok blong profet blong yumi, mo aot long ol stori blong ol fetful Sent, mi prea se bae yumi kam blong gat semfala save ia we Profet Josef Smit i bin gat 200 yia i pas: se Papa long Heven mo Jisas Kraes, Tufala i ol man we Tufala i ril mo stap laef, mo Tufala i lavem yumi. Mo, bae yumi serem save ia wetem ol fren mo ol neba blong yumi.
Wetem tru hat,
Elda Randy D. Funk blong Olgeta Seventi
Edita blong Ol Magasin blong Jos