Kam Folem Mi: Buk blong Momon
?Hem I Minim Wanem blong Mekem Yumi Raetem Nem blong Kraes Insaed long Hat blong Yumi?
20–26 Epril Mosaea 4–6
Insaed long Buk blong Momon, oli stap singaotem ol pipol long fulap nem—Ol Man blong Nifae, Ol Man blong Leman, Ol Antae-Nifae-Lihae, mo sam narawan moa. Be King Benjamin i bin wantem se bae oli singaotem ol pipol blong hem long wan nem we i moa gud, i moa tabu—we i nem ia blong Jisas Kraes.
Hemia nao wei we yumi save kipim nem blong Sevya i “[raet] oltaem long hat blong [yumi]” (Mosaea 5:12):
Kavenan tru long Baptaes
Long baptaes, yumi mekem ol kavenan wetem God blong yumi tekem nem blong Kraes long yumi. ?Yu yu ting se hemia i minim wanem? (Luk long Mosaea 18:8–9.)
Tekem mo Kakae Sakramen
Yumi kasem komanmen blong stap klin inaf mo tekem mo kakae sakramen evri wik. Long taem blong sakramen, yumi komitim yumi bakegen long kavenan blong tekem long yumiwan nem blong Jisas Kraes (luk long Moronae 4:3).
Tekem Aksen Olsem Wan Disaepol blong Kraes
Ol kavenan blong yumi, oli askem yumi nao blong obei long ol komanmen. Ol aksen blong yumi oli mas soemaot we yumi wantem folem Kraes mo kam olsem Hem. Taem we yumi mekem olsem, yumi save gohed blong oli singaotem yumi long nem blong Hem. Hemia nao wei we yumi save kipim nem blong Kraes i “[raet] oltaem long hat blong [yumi]” (luk long Mosaea 5:12