Tempol mo Yu
Bifo Jos i bin kambak long wol, ol pipol i biliv se sapos wan long famli blong olgeta i ded be i no kasem baptaes, bae oli neva luk hem bakegen. Be tru long Restoresen, yumi save mekem baptaes blong olgeta insaed long tempol. !Yumi save sil tugeta blong taem we i no save finis!
Olsem Josef Smit, Papa i bin jusum yu tu blong mekem impoten wok long laef blong yu. Sam long ol wok ia oli save mekem insaed long ol tempol. Yu save karem i kam tugeta, ol nem blong ol bubu blong yu we oli no kasem baptaes taem oli bin laef long wol ia. Afta, yu save kasem wan tempol rekomen, mo afta yu save go long tempol mo kasem baptaes long bihaf blong olgeta.
Taem yu mekem wok ia, prea long Papa long Heven blong gaedem yu. Ol bubu blong yu i save helpem yu tu. !Bae hem i wan impoten mo tabu blesing tru, blong yu mo blong olgeta!
Maet sam long yufala i no save mekem wok long tempol naoia, be bae yu mekem sam dei. Tingbaot oltaem se yu yu wan pikinini blong God. Hem i lavem yu evriwan.
Lisin long kwaet voes blong Tabu Spirit mo stap rere blong go long tempol sam dei. Taem yu mekem hemia, bae i helpem yu blong bildim wan gudfala laef blong yuwan mo blong famli blong yu long pas, naoia, mo long fiuja. Taem yu stap mekem wok blong Lod, bae Hem i helpem yu. Yu yu wan long ol spirit blong hem we i strong tumas. ●
Pikja i kam long Jared Matthews