!Halo i kam long Tabu Bus!
Halo, mitufala Margo mo Paolo.
Long manis ia, blong selebretem Restoresen, mifala i stap visitim ples we !Fas Visen i bin hapen long hem 200 yia i pas!
Taem Josef Smit i gat 14 yia, hem i bin laef long wan haos we oli mekem long wud long Niu Yok, YSA. Hem i gat faef brata mo tri sista. Hem i obei long papa mo mama blong hem mo i mekem gud fren long ol narawan. Hem i ridim Baebol wetem famli blong hem, be olgeta evri wan i no go long semmak jos.
Josef wan man blong wok had. Hem i help blong katem daon ol tru blong mekem se famli blong hem i save planem ol kakae. Hem i helpem famli blong hem tu blong kolektem jus aot long ol mapeltri blong mekem suga.
Josef i bin wantem blong faenem wan jos olsem hemia long Baebol. Wan dei, hem i go long wan smol bus mo prea. Papa long Heven mo Jisas Kraes i bin kamkamaot long hem. Oli talem long hem se oli fogivim ol sin blong hem. Oli talem tu long hem se hem i no mas joenem eni long ol jos ia. !I no long taem bae Jos blong Jisas bae i kambak long wol!
Fulap pipol oli jikim Josef from wanem we hem i bin luk. Oli talem se hem i stap mekemap nomo. Be Josef i gohed blong talem trutok. Hem i talem, “Mi save hemia, mo mi save se God i save hemia, mo mi no save talem se i no tru” (Josef Smit—Histri 1:25).
Tedei, ol pipol i save visitim eria ia we Josef i bin prea long hem. Hem i naes tumas mo fulap long pis.
!Ol pikinini ia oli laef long ples we Josef Smit i bin groap long hem!
Mi save se Tabu Bus ia i wan spesel ples from Josef Smit i bin prea mo luk Papa long Heven mo Jisas long hem.
Piper D., 5 yia, Niu Yok, YSA
Mi talem tangkyu se yumi laef kolosap long hom blong Josef Smit. Mi laekem blong go long Grandin Bilding wetem stoa blong printim buk. Mi laekem tumas blong luk ples we oli mekem ol fas kopi blong Buk blong Momon.
Roscoe B., 9 yia, Niu Yok, YSA
Tangkyu blong visitim Tabu Bus wetem mifala. !Lukim yu nekis taem!
Ol foto blong ol boe blong Julie Poulson; ol pikja oli kam long Katie McDee