2021
Veika Vakasakiti mai na ika 191 ni Koniferedi Raraba Vakayabaki
Me 2021

Veika Vakasakiti mai na ika 191 ni Koniferedi Raraba Vakayabaki

Na vakanamata ni koniferedi raraba, ka vakayacori ena mua ni macawa ni Siganimate, sa iVakabula o Jisu Karisito, vaqaqacotaki ira na lewenilotu, kei na vuravura raraba ni Lotu.

  • Tabana e 6: Ena idola ni nona vosa, e kaya kina o Peresitedi Russell M. Nelson, “Eda vakasoqoni vata mai vakamatavuvale e vuravura raraba ka gadreva me sokalou vua na noda Turaga ka iVakabula, o Jisu Karisito.” E dusimaka o koya “na kaukauwa ni Lotu sa koto ena sasaga kei na vakatuburi ni nodra ivakadinadina na kena vavakoso.” Ena gauna taucoko ni koniferedi, sa matata na nodra sasaga na iliuliu ni Lotu me ra vaqaqacotaka na lewenilotu yadua.

  • Tabana e 79: Ena gauna ni soqoni ni matabete, a vakavulica kina o Peresitedi Nelson na sala meda cakava kina na noda itikotiko me vanua tabu, “na vanua ni vulici ni kosipeli kei na bulataki ni kosipeli,” ni sa oti sara mada ga na matedewa.

  • Tabana e 101: Ena nona itukutuku ena mataka ni Sigatabu, a vakamatatataka kina o Peresitedi Nelson ni oqo e dua na lotu e vuravura raraba ka baleti ira na tamata kecega: “Ena mataka nikua, eda sa rogoca mai vei ira na iliuliu ni Lotu era lako mai na veivanua lewena kecega e vuravura. E dina, na veivakalougatataki ni kosipeli sa baleti ira yadua na kawatamata, duivosavosa, kei na tamata. Na Lotu i Jisu Karisito e lotu ni vuravura raraba. O Jisu Karisito e noda iliuliu.

  • Tabana e 127: Me kena ikuri, na sasaga me ra vaqaqacotaki na lewenilotu a vakaraitaki ena kena kacivaki e 20 na valetabu vou. “Eda vinakata me da kauta voleka mai na vale ni Turaga vei ira na noda lewenilotu,” a kaya o Peresitedi Nelson ena iotioti ni nona vosa. Sa ikoya na iwiliwili levu duadua ni valetabu ka kacivaki mai na 1998, ni kacivaka o Peresitedi Gordon B. Hinckley e 32 na valetabu, ka dolavi kina e dua na gauna vou ni vakalevutaki valetabu.

  • Tabana e 139: Me baleta eso tale na ivakaraitaki ni sala e saga kina na Lotu me vaqaqacotaki ira kece na luve ni Kalou, raica na ivakaraitaki eso ni vuqa na cakacaka ni veivuke raraba e vakacavari ena 2020.