Elder Sean Douglas

Ni a se daukaulotu ka veiqaravi voli ena Tabana ni Kaulotu na Chile Concepción, a tekivuna na nona veiqaravi o Sean Douglas ena vanua vagalala. Na nona “imatai ni itokani totoka e kai Chile ka vosa vaka-Sipeni sara vakatotolo.” Ni oti e tolu na vula ena vanua o Sauca Amerika, e se sasaga dredre tikoga o Elder Douglas ena vosa vaka-Sipeni.

Na yalolailai kei na vakanananu vakavuvale e vukica me lomalomarua sara vakatitobu ka vakavuna me tekiduru. “Sa sega ni dua na ka vinaka au cakava rawa,” a masu o koya. “E vaka e sega ni dua ike meu vakaukauwa taka rawa.”

E vakasinaiti na yalona ena dua na taro mai cake: “O tiko beka eke me baleti Au, se o tiko beka eke me baleti iko?”

Ena gauna oqo a walia vata kei na Kalou o koya me guilecavi koya ka tovolea tikoga. “Ena bogi sara ga o ya au a tadra vaka-Sipeni,” a kaya o koya.

Ena siga ka tarava sa makare kece mai na veika kece. “Au rawa ni vosa vakavinaka cake. Au rawa ni kila vakalailai cake,” e kaya o koya. “Na kaulotu e vaqaqacotaka na noqu ivakadinadina me baleta na kaukauwa ni masu kei na gauna o lako kina ka kitaka na ka e vakarota na Turaga, ena vakarautaka o Koya e dua na sala vei iko.”

Na ivakavuvuli oya e dusimaka na vo ni nona bula.

A sucu o Sean Douglas ena 1 ni Me,1964, mai Salt Lake City, Utah, vei rau o Barbara kei Leo Douglas. A susugi cake ena tokalau ni Bucabuca o Salt Lake, ka vakamautaki Patricia Ann Dickson—nona daulomani mai na koronivuli torocake—ena Valetabu e Salt Lake ena June ni 1985. E va na luvedrau.

A taurivola o Elder Douglas ena veika vakafika mai na Univesiti e Utah ka cakacaka vakadaudikevi fika ni bera ni vakayagataka e tolusagavulu na yabaki ki na Huntsman Corporation, ka laki veiqaravi vaka ivukevuke ni peresitedi liu ka vakailesilesi liu ni veika vakailavo.

Na nona vakabauta kei na vakararavi vua na Turaga, e vaqaqacotaki ena nona gauna ni itabagone kei na kaulotu, a dusimaki koya ena gauna ni toki ki Igiladi, na vanua a bisopi gone kina, kei Houston, Texas, Amerika. A veiqaravi vakaperesitedi ni Tabana ni Kaulotu na Peru Lima South mai na 2012 ki na 2015. A veiqaravi tiko o Elder Douglas vaka-Vitusagavulu ni iWasewase ni se bera na nona kacivi.