Elder Alfred Kyungu

Ena 1991, a gonevuli yabaki 24 o Alfred Kyungu ena University of Lubumbashi ena Democratic Republic of the Congo, ka vakaitikotiko vata kei nona momo, o Polydor Ngoy. Ena dua na siga a tukuna vua o nona momo me baleta e dua na iloku vata kei ira eso na daukaulotu mai na Lotu i Jisu Karisito ni Yalododonu Edaidai.

“Kakua ni calata na madigi vinaka oqo,” a kaya vua o nona momo.

Sega ni dede rau sa dau sota vakawasoma kei na dua na veiwatini daukaulotu qase mai Utah. Taumada, a lomalomarua o Alfred me lewena e dua na lotu vou, mai vanua tani. Ni oti e ono na vula na veivosaki kei na isau ni taro e vuqa, erau a papitaiso o Alfred kei nona momo ena 21 ni Sepiteba, 1991.

Ena so na sala, na lewena na Lotu e sega ni veisau rawarawa. E vuqa ena itikotiko raraba era lomalomaruataka na Lotu ka vakataroga se ra vakabauta na Yalododonu Edaidai se lotu Vakarisito dina sara. Kalougata, ni ra dau yalovinaka ka veikidavaki na lewe ni nodra tabana lailai. A vakaukauwataki Elder Kyungu kei nona momo na ciqomi ni “vakavulici ni ivakavuvuli i Jisu Karisito.”

A vakamautaki Lucie Kabulo Malale o Elder Kyungu ena 1998. Erau a qai vauci emuri ena Valetabu e Johannesburg Ceva kei Aferika e 2004. Erau itubutubu vei rua na goneyalewa kei dua na gonetagane.

A sucu o Alfred Kyungu Kibamba mai Kamina, Democratic Republic of the Congo, ena 31 ni Okotova, 1966, vei Domitien Kyungu Nkimba kei Celestine Ngoy Mbuyu.

A rawata ruarua o Elder Kyungu na koroi ni bachelors na masters ena vakadidike kei na veimaliwai raraba mai na Univesiti e Lubumbashi. A cakacaka ena vica na itutu vakamatanitu me baleta na Democratic Republic ena Congo kei na Lotu vaka kodineita ni semineri kei na inisitute ka manidia ni tuva kawa.

E dua na Vitusagavulu ni iWasewase ena gauna a kacivi kina, a veiqaravi talega vakaqasenivuli ni inisitute, qasenivuli ni Matawilivola ni Sigatabu ena tabanalevu, daunivakasala ena matabisopi, lewe ni matabose e cake, daunivakasala ena mataveiliutaki ni iteki, ka peresitedi ni Tabana ni Kaulotu na Democratic Republic mai na Congo Mbuji-Mayi mai na 2016 ki na 2019.