Veika Vovou e Gadrevi ena Tuvaitutu ni Semineri

Me tokona na vulici ni kosipeli e vale ka vakauqeta na wili ivolanikalou e veisiga, sa vakavoui na veika e gadrevi ena tauri ivola ni semineri. Ena gauna oqo, ena nodra va na yabaki ni vuli, era na sega ni ripotetaka na gonevuli na vakacavari ni wili ivolanikalou (Veiyalayalati Makawa, Veiyalayalati Vou, iVola i Momani, kei na Vunau kei na Veiyalayalati kei na Mataniciva Talei); ia era na ripote taka ga se ra wilika na ivolanikalou ena veisiga me rauta e 75 na pasede ni gauna.

Oqo ena tosoya na vakanamata ni kena toqai me tauyavutaki e dua na ivakarau dodonu ni bula vakatisaipeli ka na vakalougatataki ira na gonevuli ena nodra bula taucoko. E vakatara talega oqo na semineri, ka sa laki veisotari vata kei na ituvatuva vakaturi ni 12 na vula na gauna ni wiliwili me baleta na Lako Mai, Mo Muri Au, me cakacaka vata kei ira na veimataisoqosoqo taucoko ni Lotu me tokona na vulici ni kosipeli e kena iusutu na vuvale ka tokona na Lotu.¹

Na ikuri ni veika e gadrevi ena tauri vola ni semineri e oka kina na tiko rawa ena 75 na pasede ni kalasi kei na pasitaki ni veitarogi mai na maka ni 75 na pasede se vinaka cake. Na sitivikiti ni vakacavari, ka sa ciqomi vakalevu cake ena so na vanua, e sa sosomitaka na sitivikiti ni kilaitani.