Susan H. Porter

Ni sa mai takali na watina, o Elder Bruce D. Porter, e dua na Vakaitutu Raraba ena Vitusagavulu, ki na dua na mate ni atevuso ena Tiseba 2016, a tiko duadua o Sister Susan Porter ena nodratou itikotiko mai Bountiful, Utah e Amerika.

Voleka ni rua na yabaki ni bera na nona takali, a veilakoyaki ka veiqaravi vata kei koya ena nona veiqaravi vaka-peresitedi ni iWasewase ena Tokalau kei Iurope.

Ni dua na yada vou, a masuta na veituberi. Ena dua na siga a raica o koya e dua na droini ni iVakabula ni vosa tiko vua na marama ni Samaria ena tobu i Jekope (raica na Joni 4:6–26). A vakila na veivakauqeti ni Yalotabu me “dabe e yavana na iVakabula ka vuli, ka na vakavulici iko o Koya.”

E segata o Sister Porter me toro voleka yani vua na iVakabula, ka vakacegui koya na Yalo Tabu ka liutaki koya ki liu.

“Au kila niu sa tuberi,” e kaya o koya. “Au vakila na kaukauwa kei na vakacegu ka uasiviti au.”

Ni ra sotava tu na gone ena Lalai e vuravura raraba na dredre, e vinakata o Sisita Porter me ra kila ni lomani ira na Kalou.

“Kevaka a tiko vata kei ira ena gauna oqo o Jisu, ena kauti ira yadudua o Koya ka vakalougatataki ira ka masulaki ira, me vaka ga a vakayacora vei ira na Nifaiti ena dua na gauna makawa sa oti [raica na 3 Nifai 17:21]. Au nuitaka ni ra na masuta na gone yadua na Nona veivuke ka kerea me raica na Ligana dau loloma ena nodra dui bula.”

A sucu o Susan Holland Porter ena 31 ni Julai, 1955, mai Ponca City, Oklahoma, Amerika, vei rau o Hans kei Charlene Holland. A taurivola mai na Brigham Young Univesiti ena chemistry. Sa cakacaka oti vaka-ivukevuke ena vale ni vakadidigo ka kei ni qasenivuli ni fika.

A vakamautaki Elder Porter ena 1977 ena Valetabu e Washington D.C. E va na luvedrau.

Sa veiqaravi oti o Sisita Porter ena matabose raraba ni veivakasalataki ni iSoqosoqo ni Veivukei mai na 2017. Na nona ilesilesi e liu e oka kina na daunivakasala ena mataveiliutaki ni iSoqosoqo ni Veivukei ena iteki, peresitedi ni iSoqosoqo ni Veivukei kei na Goneyalewa ena tabanalevu, qasenivuli ni iVunau ni Kosipeli, kei na iliuliu ni sere ena Lalai.