Kam Folem Mi
Stap Givhan long Olgeta we Yumi Stap Wokbaot Tugeta long Laef Ia.
19–25 Julae
“Givhan long olgeta we oli no strong, leftemap ol han we oli hang i kamdaon, mo mekem ol ni ia we oli no strong oli kam strong moa” (Doktrin mo Ol Kavenan 81:5).
Presiden Thomas S. Monson: Wan Eksampol blong Wok blong Givhan
Yia taem oli singaotem hem olsem bisop: 22
Namba blong ol memba long wod: ova 1,000
Namba blong ol wido long wod blong hem: 85
Elda Jeffrey R. Holland blong Kworom blong Olgeta Twelef Aposol i serem abaot olsem wanem Bisop Monson i bin kea long ol wido: “Plante oli save se yangfala Bisop Monson i yusum wan wik holidei blong hem evri Krismes taem blong visitim evri eitifaef wido long wod blong hem. Plante ating bae oli no save se long ol fasfala yia, presen we bae hem i tekem blong olgeta i wan long ol … mama faol we hem i lukaotem long haos mo i mekem olgeta i rere blong oli kukum.”1
Bishop Monson i tingtingbak long olsem wanem hem i helpem ol olfala kapol we oli nidim blong pentem hom blong olgeta: “Long wan smol taem we mi kasem insperesen,mi no singaotem ol elda blong kworom, o samfala volontia blong sakem bras blong peint, be mi bin folem hanbuk blong welfea o gudlaef, mo mi singaotem ol memba blong famli we oli bin stap laef long sam nara eria. Fo long ol man blong gel mo fofala gel oli tekem ol bras blong peint long han blong olgeta mo tekpat blong peint.”2 Insperesen ia i helpem famli blong kambak tugeta mo kea moa long wanwan long olgeta.
“Yumi no save lavem God long tru fasin sapos yumi no lavem ol narafala man we oli stap long rod blong laef ia.”3 —Presiden Thomas S. Monson