ʻOku ʻi Heni ʻa e Siasí
ʻAsunisioni, Palakuai
Laʻitā ʻo e hala ʻi ʻAsunisioní meia Christian Molina
ʻOku hoko ʻa ʻAsunisioni ko e taha ʻo e ngaahi kolo motuʻa taha ʻi Saute ʻAmeliká. Ko ha nofoʻanga ia ki ha kakai ʻe toko ua miliona nai, pea ʻoku tuʻu foki ʻi ai ha temipale. Naʻe papitaiso ʻa e fuofua papi ului ʻi Palakuaí ʻi he 1948. ʻI he taimí ni kuo maʻu ʻe he Siasí ʻi he fonuá ha:
Kāingalotu ʻe 96,114
Ngaahi haʻofanga lotu ʻe 134
Misiona ʻe 2
ʻI he Ngaahi Toʻu Tangatá
ʻI he kolo ko Komiunitati Tovasoní, naʻe fiefia ʻa Uolotā mo Losalia Folōlesi ʻi he faʻa ʻaʻahi ange hona ngaahi makapuná. Ka neongo ia, hili hono faitaaʻi e laʻitā ko ʻení, naʻe siʻi pekia ʻa Uolotā. ʻOku pehē ʻe Losalia, “ʻOku tāpuekina kimautolu ke ʻilo ʻoku ʻomai ʻe he ongoongoleleí ha founga ki he ngaahi fāmilí ke fakataha ʻo taʻengata.”