Haʻu, ʻo Muimui ʻIate Au
Ko e Talanoa Fakatātā ʻo e ʻEikí: Ko ha Lēsoni ʻi he Talangofuá
ʻOku ʻomi ʻe he Tokāteline mo e Ngaahi Fuakava 101:43–62 ha talanoa fakatātā naʻe fai ke fakamatalaʻi e ʻuhinga naʻe tuli ai e Kāingalotú mei Mīsulí.
ʻI he talanoa fakatātaá, ʻoku kamata langa ʻe he kau tamaioʻeikí ha taua pea nau fili “ʻoku ʻikai hano ʻaonga” ki ha taha (Tokāteline mo e Ngaahi Fuakava101:49). Ka koeʻuhí ʻoku ʻikai ke nau langa ʻa e tauá, ʻoku ʻikai ha fakatokanga ʻi he taimi ʻoku haʻu ai ha fili ʻo fakaʻauha ʻa e ngoue vainé.
ʻOku fakahinohinoʻi ʻe ha ʻeiki ʻene kau tamaioʻeikí ke nau tō ha ngoue vaine mo langa ha ʻā takatakai ʻi he ʻuluʻakaú mo ha taua koeʻuhí ke lava ha tangata leʻo ʻo vakai ki he fonuá. .
ʻOku tō ʻe he kau tamaioʻeikí ʻa e ngoue vainé mo langa ʻa e ʻaá kae fili ke ʻoua ʻe langa ʻa e tauá.
ʻOku fakaʻauha ʻa e ngoue vainé ʻe ha fili taʻeʻiloa.
Ngaahi tā fakatātā ʻa Ben Simonsen
ʻOku ou fehuʻia nai e ngaahi fekau ʻa e ʻOtuá?
Kuó ke fifili nai, hangē ko e kau tamaioʻeikí pe naʻe fuʻu fie maʻu nai ha fekau? ʻOku akoʻi mai ʻe he talanoa fakatātā ko ʻení ʻoku maluʻi mo tokoniʻi kitautolu ʻe he ngaahi fekau ʻa e ʻEikí ke tau moʻui fiefia (vakai foki, Mōsaia 2:41; Tokāteline mo e Ngaahi Fuakava 82:8–10).
Ko e hā te tau lava ʻo fai ʻi he taimi ʻoku ʻikai mahino ai e ngaahi ʻuhinga ki ha fekau?
-
Ako e tefitó pea lotua ke tokoniʻi kitautolu ʻe he ʻEikí ke tau “ongoʻi ʻoku totonu ia” (Tokāteline mo e Ngaahi Fuakava 9:8).
-
Manatuʻi e ngaahi taimi ʻi he kuohilí ʻi he taimi ne ʻomi ai ʻe he talangofuá ha ngaahi tāpuakí.1
-
Ngāue ʻi he tui, ʻo falala ʻe mahino kiate kitautolu “hili hono ʻahiʻahiʻi ʻo [ʻetau] tuí” (ʻEta 12:6).