Ko e Hā e Ngaahi Tāpuaki ʻOku Maʻu ʻe he Loto-Maʻá?

ʻOku talaʻofa mai ʻe he ʻEikí ʻi he vahe 97, kapau ʻe langa ʻe he Kāingalotú ha temipale pea tauhi ia ke maʻa, “ko e kakai loto-maʻa kotoa pē ʻe hū ki aí te nau mamata ki he ʻOtuá” (veesi 16). Hili hono lau e veesi ko ʻení ʻi ha lea he konifelenisi lahí, naʻe pehē ʻe ʻEletā Tēvita B. Haiti (1906–2004) ʻo e Kōlomu ʻo e Kau ʻAposetolo ʻe Toko Hongofulu Mā Uá:

“Ko e moʻoni kuo mamata ha niʻihi ki he Fakamoʻuí, ka ʻi he taimi ʻe vakai ai ha taha ki he tikisinalé, ʻokú ne ʻilo ʻoku lahi e ngaahi fakaʻuhinga ki he foʻi lea ko e mamatá,hangē ko e ʻilo kau kiate Iá, faʻa ʻiloʻilo kau kiate Iá, ko hono ʻiloʻi Ia mo ʻEne ngāué, ʻa Hono mahuʻingá, pe ko hono maʻu ha mahino kiate Iá.

ʻOku ʻatā ʻa e faʻahinga fakamaama mo e ngaahi tāpuaki fakalangí kiate kitautolu takitaha.”¹

Ko e hā ha ngaahi founga kuó ke mamata ai ki hono fakahā ʻe he ʻOtuá Ia ʻi he temipalé?

ʻOku fakamatalaʻi ʻe he ngaahi potufolofola ko ʻení ha ngaahi tāpuaki kehe ʻoku maʻu ʻe he kau loto-maʻá:

• Saame 24:3–5

• Sēkope 3:1–2

• Tokāteline mo e Ngaahi Fuakava 56:18; 101:17–18; 136:11

Ko e hā ʻokú ke houngaʻia taha ai ʻi hoʻo lava ke ʻalu ki he temipalé?