ʻApitanga ʻo Saioné—Teuteu ke Ngāue Maʻá e ʻEikí

ʻĪmisi

article on Zion’s Camp

Hili e fononga ʻa e kāingalotu ʻo e Siasí naʻe ʻiloa ko e ʻApitanga ʻo Saioné ʻi ha maile ʻe laungeau ke tokoni ki honau kaungā Kāingalotú, naʻe folofola ʻa e ʻEikí kia Siosefa Sāmita ke veteki e kulupú, neongo naʻa nau pehē kuo teʻeki ai ke nau fakakakato ʻenau taumuʻá. Koeʻuhí ko e meʻá ni, naʻe ui ai ʻe ha niʻihi ʻa e ʻApitanga ʻo Saioné ko ha fehalaaki, ka naʻe fakamoʻoni ʻa kinautolu naʻe kaú naʻe teuteuʻi kinautolu ʻe heʻenau ngaahi aʻusiá ki he ngāue maʻá e ʻEikí ʻi he kahaʻú.

Lolotonga e laka lōloá, naʻe lāunga mo lea ha niʻihi ʻo e kau mēmipa ʻo e ʻapitangá ʻo fakafepaki ki he Palōfita ko Siosefá, ka naʻe faivelenga ha niʻihi kiate ia mo ako ʻa e faʻa kātakí mo e talangofuá.

• Fēpueli 1834: Naʻe maʻu ʻe Siosefa Sāmita ha fakahā ke kumi ha kakai ʻe toko 100 nai ke nau laka ki Mīsuli pea tokoni ki he Kāingalotú ke toe maʻu honau kelekele ʻi he Vahefonua Siakisoní.

• Naʻe fetaulaki ʻa e kulupu ʻe 2 ne fononga ʻi ha ngaahi hala kehekehé ʻi Sune.

• Naʻe kau ki ai ha kau tangata ʻe toko 207, houʻeiki fafine mo ha fānau ʻe toko 25

• Naʻa nau fononga ʻi ha maile ʻe 20–40 (kilomita ʻe 32 ki he 64) he ʻaho.

• Ko e tokolahi naʻá nau fononga ʻi ha maile ʻe 900 tupu (km ʻe 1,450) ki ha siteiti ʻe 4.

• Naʻe mālōlō ha Kāingalotu ʻe toko 13 mei he kamata ʻa e kōlela ʻi he ʻapitangá.

• Ko e toko 8 ʻo e kau fuofua ʻAposetolo ʻe toko 12 ʻi he ngaahi ʻaho kimui ní naʻa nau ngāue ʻi he ʻapitanga ko ʻení.

• Ko e kotoa ʻo e kau fuofua Fitungofulu ʻi he ngaahi ʻaho kimui ní ko e kau mēmipa ʻo e ʻapitangá.

• Sune 1834:Naʻe maʻu ʻe he Palōfita ko Siosefá ha fakahā ke tali ʻa e foaki ʻa e kau kemí, pea nau mavahe.